މަސްވެރިކަމަށް ނުކުމެ އުޅުނު ދޯންޏެއް ބިނދިގެން، އެމްއެންޑީއެފް އިން އެހީވަނީ
11 ނޮވެމްބަރު 2023 | ހޮނިހިރު 09:25އެ އެންމެންގެ ޙާލު ވެސް ރަނގަޅު
ކޯސްޓްގަރޑް
އައްޑޫގެ ހުޅަނގު އުތުރުން މަސްވެރިކަމަށް ނުކުމެ އުޅުނު ދޯންޏެއް ބިންދައިގެން ދިޔުމުގެ ސަބަބުން އެ ދޯންޏަށް އެހީތެރިވުމުގެ މަސައްކަތް ކުރަމުން އަންނަ ކަމަށް އެމްއެންޑީއެފް އިން ބުނެފި އެވެ.
މި ދޯނީގެ މައުލޫމާތު ދެމުން އެމްއެންޑީއެފް އިން ބުނީ، "އޯކިޑް 707" ކިޔާ މަސްދޯންޏެއް އައްޑޫގެ ހުޅަނގު އުތުުރުން 25 ނޯޓިކަލް މޭލު ބޭރުގައި އުޅެނިކޮށް ބިންދައިގެން ގޮސް، އެ ދޯނީގެ ކުރީކޮޅާއި ފަހަތުކޮޅު އެއްކޮށް ވަކިވެފައިވާ ކަމަށެވެ.
އެހެން ކަމުން އެ ދޯންޏަށް އެހީތެރިކަން ފޯރުކޮށްދިނުމުގެ މަސައްކަތް އެމްއެންޑީއެފްގެ ސަދަން އޭރިއާ ކޮމާންޑް ކޯސްޓްގާޑް ފޯތު ސްކޮޑް ރަން އިން ކުރަމުން އަންނަ ކަމަށް އެމްއެންޑީއެފް އިން ބުންޏެވެ.
އެމްއެންޑީއެފް އިން އިތުރަށް ބުނީ އެ ހާދިސާ ހިނގިއިރު، އެ ދޯނީގައި 10 ދިވެހީންނާއި 13 ބިދޭސީން ތިބި ކަމަށާއި، އެ އެންމެންގެ ޙާލު ވެސް ރަނގަޅުކަމަށް އެމްއެންޑީއެފް އިން ބުންޏެވެ.
އަދި އެ ސަރަހައްދުގައި ކޯސްޓްގާޑުގެ ފާސްޓް އިންޓަސެޕްޓާ ކްރާފްޓް ދޮށިމޭނާ ހަރަކާތްތެރިވަމުންދާ ކަމަށް ވެސް އެމްއެންޑީއެފް އިން ބުންޏެވެ.
