ފަލަސްތީނުގެ މިނިވަންކަމަށް ދިވެހިން ކުރާ ތާއީދު ދުވަހަކުވެސް ބަދަލެއްނުވާނެ: ރައީސް ޞާލިޙު
11 ނޮވެމްބަރު 2023 | ހޮނިހިރު 05:57ރައީސް ވިދާޅުވީ، ދިވެހީންގެ ހިތްތައް ބަރުވެފައިވަނީ ފަލަސްޠީނުގެ ރައްޔިތުންނަށް އިސްރާއީލުން ދެމުންދާ ލާއިންސާނީ އަނިޔާތަކުގެ ސަބަބުން ކަމަށް
ދިވެހީން ފަލަސްޠީނު ރައްޔިތުންނާއެކު
ފަލަސްޠީނުގެ މިނިވަންކަމަށް ދިވެހިން ކުރާ ތާއީދު ދުވަހަކުވެސް ބަދަލެއް ނުވާނެ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
ޖުމްހޫރީ ދުވަހުގެ މުނާސަބަތުގައި ގައުމާ މުޚާތަބުކުރައްވައި ވާހަކަފުޅުދައްކަވަމުން ރައީސް ވިދާޅުވީ، ދިވެހީންގެ ހިތްތައް ބަރުވެފައިވަނީ ފަލަސްޠީނު ރައްޔިތުންނަށް އިސްރާއީލުން ދެމުންދާ ލާއިންސާނީ އަނިޔާތަކުގެ ސަބަބުން ކަމަށާއި، އެކަމުގެ ތެރެއިން ނަމަވެސް، ފަލަސްޠީނުގެ މިނިވަންކަމަށް ދިވެހިން ކުރާ ތާއީދު ދުވަހަކުވެސް ބަދަލެއް ނުވާނެ ކަމަށެވެ.
މީގެ އިތުރުން، ރާއްޖޭގެ ޚާރިޖީ ކާމިޔާބާ ގުޅޭގޮތުން ރައީސް ވިދާޅުވީ، ވޭތުވި ފަސް އަހަރަކީ ރާއްޖޭގެ ތާރީޚުގައި ބައިނަލްއަޤްވާމީ ދުނިޔެއާ އެންމެ ބޮޑަށް ގުޅުން ބަދަހިކުރެވުނު މުއްދަތު ކަމަށެވެ.
އެގޮތުން ދުނިޔޭގެ 185 ޤައުމަށް ފުޅާކުރެވި، 101 ޤައުމަށް ވިސާނެތި ދިވެހިންނަށް މިހާރު ދަތުރުކުރެވޭނެ ކަމަށާއި، އ.ދގެ 76 ވަނަ ޢާންމު މަޖިލީހުގެ ރިޔާސަތު ރާއްޖެއިން ބެލެހެއްޓިކަމަށް ރައީސް ވިދާޅުވިއެވެ.
