ކޮލިޓީ މައްސަލައެއް ދިމާވެގެން، ޕެރަސެޓަމޯލްގެ ބްރޭންޑެއް ވިއްކުން މަނާކޮށްފި
9 ނޮވެމްބަރު 2023 | ބުރާސްފަތި 10:49ރާއްޖޭގެ މާކެޓުގައި މިވަގުތު ހުރި މި ބޭހުގެ ކުލަ ބަދަލުވެ, ގަނޑުވެފައި ހުރިކަން ފާހަގަކުރެވޭ
ކަލްޕޮލް ޕީޑިއެޓްރިކް ޑްރޮޕްސް
ކޮލިޓީ މައްސަލައެއް ދިމާވެގެން, ކުޑަކުދިންނަށް ދޭ ޕެރަސެޓަމޯލް ދިޔާ ބޭހުގެ ބްރޭންޑެއް ނުވިއްކަން އަންގައިފިއެވެ.
ކަލްޕޮލް ޕީޑިއެޓްރިކް ޑްރޮޕްސް ނަމަކަށް ކިޔާ މި ބޭހަކީ ޕެރަސެޓަމޯލް ޕީޑިއެޓްރިކްސް އޯރަލް ސަސްޕެންޝަނެކެވެ. މޯލްޑިވްސް ފުޑް އެންޑް ޑްރަގް އޮތޯރިޓީން ބުނީ، ރާއްޖޭގެ މާކެޓުގައި މިވަގުތު ހުރި މި ބޭހުގެ ކުލަ ބަދަލުވެ, ގަނޑުވެފައި ހުރިކަން ފާހަގަކުރެވިފައި ވާކަމަށެވެ. މިއީ އިންޑިއާގައި މެންފެކްޗަރކޮށްފައިވާ، ކުޑަކުދިންނަށް ދޭ ދިޔާ ބޭހެކެވެ.
އެމްއެފްޑީއޭއިން ބުނީ އެ އޮތޯރިޓީން ބަލަންޖެހޭ ކަންކަން ބަދަމުންދާތީ, އެ ބޭސް ރާއްޖެއަށް އެތެރެކުރުމާއި، ވިއްކުމާއި، އަދި ބޭނުންކުރުން މަނާކޮށްފައި ވާކަމަށެވެ.
މި ބޭސް ނުވިއްކަން އަންގާފައިވާއިރު، ސިޓްރިޒީން ސިރަޕްވެސް ރާއްޖޭގައި ވިއްކުން ވަނީ މަނާކޮށްފައެވެ. އެ ބޭސް ވިއްކުން މަނާކުރީ، ހުމާއި ރޯގާއަށް ބޭނުންކުރާ ސިޓްރިޒީން ސިރަޕްގައި ކެމިކަލް މާއްދާއެއް ހުރުމުންނެވެ.
