އައިޕީޔޫގެ ހިއުމަން ރައިޓްސް އެންޑް ޑިމޮކްރަސީ ކޮމިޓީގެ ޗެއަރގެ މަޤާމަށް ޖީހާން
9 ނޮވެމްބަރު 2023 | ބުރާސްފަތި 06:33ރައްޔިތުންގެ މަޖިލީހުން ވަނީ ޖީހާނަށް މަރުޙަބާ ދަންނަވާފައި
ރައްޔިތުންގެ މަޖިލީހުގެ ހިންވަރު ދާއިރާގެ އެމްޑީޕީ މެންބަރު ޖީހާން މަހުމޫދު
އިންޓަރ ޕާލަމެންޓްރީ ޔޫނިއަން (އައިޕީޔޫ)ގެ ހިއުމަން ރައިޓްސް އެންޑް ޑިމޮކްރަސީ ކޮމިޓީގެ ޗެއަރގެ މަޤާމަށް ރައްޔިތުންގެ މަޖިލީހުގެ ހިންވަރު ދާއިރާގެ އެމްޑީޕީ މެންބަރު ޖީހާން މަހުމޫދު އިންތިޚާބުވެވަޑައިގަންނަވައިފިއެވެ.
ޖީހާން އެ މަޤާމަށް އިންތިޚާބުވެވަޑައިގެންނެވުމާއި ގުޅިގެން ރައްޔިތުންގެ މަޖިލީހުން ވަނީ ޖީހާނަށް މަރުޙަބާ ދަންނަވާފައެވެ.
އައިޕީޔޫގެ މި މަޤާމުގައި ޖީހާންއަށް 2025 ވަނަ އަހަރާއި ހަމައަށް ދެމިހުންނެވޭނެއެވެ.
(އައިޕީޔޫ)ގެ ހިއުމަން ރައިޓްސް އެންޑް ޑިމޮކްރަސީ ކޮމިޓީގެ މަސައްކަތަކީ ކުރިއަރަމުން އަންނަ ޑިމޮކްރަސީއާއި އިންސާނީ ޙައްޤުތަކަށް ހުރި ހުރަސްތައް ދެނެގަތުމާއި، އެކަންކަމާއި ގުޅިގެން ޤާނޫނުހަދާ މަޖިލިސްތަކުން ގައުމީ އަދި ބައިނަލްއަޤުވާމީ ފެންވަރުގައި ކުރަންޖެހޭ މަސައްކަތްތަކާއި ގުޅޭ ޤަރާރުތައް އެކުލަވާލުމައި، އެކަންކަން ވިލަރެސް ކުރުމެވެ.
