ކްރިކެޓް ވޯލްޑްކަޕުގައި އަފްޣާނިސްތާން އަތުން ޕާކިސްތާން ވަނީ ބަލިވެފަ އެވެ. މި ދެރާއެކު ޕާކިސްތާނަށް ވަނީ މުބާރާތުގެ ސެމީ ފައިނަލަށް ދިއުމުގެ ބާރު ނެތިފަ އެވެ. ސެމީގެ ފަހު ޖާގަ އަށް ވާދަކުރަނީ އެންމެ ފަހުގެ ރަނައަޕް ނިއުޒީލޭންޑާއި އަފްޣާނިސްތާން އަދި ޕާކިސްތާނެވެ. ކޮންމެ ގައުމަކަށް ލިބިފައިވަނީ އަށް ޕޮއިންޓެވެ. ކޮންމެ ބަޔަކަށް ވެސް ބާކީ އޮތީ އެންމެ މެޗެކެވެ.
އަފްޣާނިސްތާނުގެ ކްރިކެޓް ޓީމުގެ ކުޅުންތެރިންނަކީ ޕާކިސްތާނުގައި އުޅޭ ބައެކެވެ. އެމީހުން މެޗު ކުޅެ ޕްރެކްޓިސް ކުރަނީ ވެސް ޕާކިސްތާނުގަ އެވެ. ސަބަބަކީ ހަނގުރާމައިގެ ސަބަބުން ސުންނާފަތިވެފައިވުމުން އަމިއްލަ ގައުމުގައި މެޗުތައް ކުޅޭނެ ދަނޑުތަކެއް ނެތުމެވެ.
އަފްޣާނިސްތާން އަތުން ޕާކިސްތާން ބަލިވުމުން އިންޑިޔާއިން މިހާރު ވަނީ ކެމްޕޭނެއް ފަށައިފަ އެވެ. އެއީ މި ބައްޔާއެކު ޕާކިސްތާނުގައި ތިބި އަފްޣާނިސްތާން މީހުން ގައުމަށް ފޮނުވާލުމަށް ގޮވާލާ ކެމްޕޭނެކެވެ. ހާއްސަކޮށް ގަވާއިދާ ހިލާފަށް އުޅޭ މީހުންނެވެ. ޕާކިސްތާނުގައި އަފްޣާނިސްތާނުގެ ދެ މިލިއަނެއްހާ ރެފިއުޖީން އުޅޭ ކަމަށްވެ އެވެ.
މިކަމާ ގުޅިގެން ސުވާލުކުރުމުން ޕާކިސްތާނުގެ ވަގުތީ ބޮޑުވަޒީރު އަންވާރުލް ހައްގު ކަކަރް ވިދާޅުވީ ކުޅިވަރުގައި އޮންނާނީ މޮޅާއި ބަލިވުން ކަމަށެވެ.
ކުޅިވަރުގައި އެފަދަ ކަންކަން ހިނގާނެ. އަހަރެންނަށް ފެންނަނީ ކުޅިވަރު އޭގެ ޒާތުގައި ވާދަވެރި ރޫހެއްގައި ބާއްވަން. މިކަމާ ގުޅިގެން އެމީހުން ފޮނުވާލަން ސަރުކާރުން ކެމްޕޭނެއް ހިންގަން ޖެހޭ ކަމަށް ނުދެކެން. އަދި އެ ކެމްޕޭނާ ދެކޮޅަށް ހާއްސަ ސައިބާ ކެމްޕޭނެއް ހިންގަންޖެހޭ ކަމަށް ވެސް ނުދެކެންކަކަރް
ޕާކިސްތާން އަތުން އަފްޣާނިސްތާން މޮޅުވި މެޗަށް ފަހު ވާހަކަ ދައްކަމުން އެގައުމުގެ ކެޕްޓަން ހަޝްމަތުﷲ ޝާހިދީ ބުނީ އެ މޮޅު ހާއްސަކުރަނީ ރެފިއުޖީންނަށް ކަމަށެވެ.
އެމީހުން ކެކުޅުން، އުޅޭ ދެރަ ހާލު އަހަރުމެންނަށް ފެނޭ ވީޑިއޯތަކުން. މި ކާމިޔާބީ ހާއްސަކުރަނީ އެމީހުންނަށް. އަހަރުމެން އެމީހުންނާމެދު ހިތާމަކުރަންހަޝްމަތުﷲ
