އޭދަފުށީގައި ކުރިން ކުޅެނީ މަތިން، މިހާރު ތިރިން
2 ނޮވެމްބަރު 2023 | ބުރާސްފަތި 07:44ކުރިން ކުޅުނު ވެލިދަނޑުގައި ޓާފް އަޅައިދޭން ރަށުގެ މީހުން ބޭނުންވޭ
އޭދަފުށީ ފުޓްބޯޅަ ސްޓޭޑިއަމުގައި މެޗެއް ކުޅެނީ
ފުޓްބޯޅަ އަށް މޮޅު އޭދަފުށީގައި ކުރިން ފުޓްބޯޅަ ކުޅެ އުޅުނީ ބޯޅަމަތިކޮށްގެން ކަމަށާއި ނަމަވެސް މިހާރު އެންމެންވެސް ކުޅެނީ ބޯޅަ ތިރިކޮށްގެން ކަމަށް އެ ރަށުން ބުނެފި އެވެ.
2016 ވަނަ އަހަރު އޭދަފުއްޓަށް މިނިވަން ޗެމްޕިއަންޝިޕުގެ ތަށި ހޯދައިދިން ކެޕްޓަން އަބްދުލް މަޖީދު އެ ވާހަކަ ތަފްސީލުކޮށްދިނެވެ.
އޭނާ ބުނީ އޭދަފުށީގެ މަޝްހޫރު ވިޔަފާރވެރިޔާ ކްރައުން އަހުމަދު ނަޒީރުގެ ހަދިޔާއެއްގެ ގޮތުން އަޅައިދިން އެންމެ ޒަމާނީ ފެންވަރުގެ ސްޓޭޑިއަމްގެ ބޭނުން ހެޔޮ ގޮތުގައި ކުރަންޖެހޭ ކަމަށެވެ.
މިކަން ރާއްޖޭގެ ގައުމީ ޓީމަށް އެންމެ ފުރަތަމަ އަތޮޅުތެރެއިން ކުޅުނު ކުޅުންތެރިޔާ އަބްދުލްވާހިދު ވެސް ފާހަގަ ކުރި އެވެ.
އޭދަފުއްޓަކީ ރާއްޖޭގެ ފުޓްބޯޅަ އަށް އެންމެ ގިނަ ކުޅުންތެރިން ނެރެދިން ރަށެވެ. އަދި އެއް ފެންވަރެއްގައި ފުޓްބޯޅައިގެ ފޯރި އަބަދުވެސް އޮންނަ ރަށެވެ. ގައުމީ ޓީމުގައ މިހާރު ވެސް މި ރަށަށް ނިސްބަތްވާ ހަތަރު ކުޅުންތެރިން އެބަތިއްބެވެ.
