ގޭސްފުޅި ގޮވައި ހިނގި ހާދިސާގައި ނިޔާވި ދެމީހުންގެ ހަށިގަނޑު އިންޑިއާއަށް ފޮނުވައިފި
25 އޮކްޓޯބަރު 2023 | ބުދަ 06:10މިހާދިސާގައި ނިޔާވެފައިވަނީ މަކުނުދޫ އެއާޕޯޓް ބިން ހިއްކުމުގެ މަސައްކަތް ކުރަމުންދާ ކުންފުނީގެ ދެ މުވައްޒަފުން
މަކުނުދޫގައި ގޭސް ސިލިންޑަރެއް ގޮވި ސަރަހައްދު
ހދ. މަކުނުދޫގައި ގޭސްފުޅި ގޮވައި ހިނގި ހާދިސާގައި ނިޔާވި ދެމީހުންގެ ހަށިގަނޑު އިންޑިއާއަށް ފޮނުވައިފިއެވެ.
ބުދަ ދުވަހު ފުލުހުން ބުނީ މަކުނުދޫގައި ހިނގި ހާދިސާގައި ނިޔާވި ދެ މީހުންގެ ހަށިގަނޑު އާއިލާ އާއި ހަވާލުކުރުމަށް އޮކްޓޫބަރު މަހުގެ 24 ވަނަ ދުވަހު ވަނީ އިންޑިއާއަށް ފޮނުވާފައިވާ ކަމަށެވެ.
މިހާދިސާގައި ނިޔާވެފައިވަނީ މަކުނުދޫ އެއާޕޯޓް ބިން ހިއްކުމުގެ މަސައްކަތް ކުރަމުންދާ ކުންފުނީގެ ދެ މުވައްޒަފުންނެވެ. އެ ދެމީހުންގެ ހަށިގަނޑަށް ވަނީ ބޮޑެތި ޒަހަމްތަކެއް ލިބިފައެވެ. އަދި ހަށިގަނޑުގެ ބައިތައް ވަރަށް ދުރަށް ވިއްސައިގެން ގޮސްފައިވާ ކަމަށް އެރަށުން މީހުން ބުނެފައިވެއެވެ. މިހާތަނަށް ބެލި ބެލުމުން އެނގޭ ގޮތުން ހާދިސާ ހިނގަން މެދުވެރިވީ މަކުނުދޫ މަސް މާރުކޭޓް ކައިރީގައި އޮތް ގޭސް ސިލިންޑަރެއް ގޮވައިގެން ކަމަށް ފުލުހުން ވަނީ ބުނެފައެވެ.
21 އޮކްޓޫބަރު 2023 ވީ ހޮނިހިރު ދުވަހުގެ ހަވީރު ހިނގި މިހާދިސާ ފުލުހުންގެ އިތުރުން އެމްއެންޑީއެފުން ދަނީ ތަހުގީގު ކުރަމުންނެވެ.
