ޔުއެފާ ޗެމްޕިއަންސް ލީގުގެ ގްރޫޕް ސްޓޭޖުގެ ތިން ވަނަ މެޗުގައި ގަލަޓަސަރާއިއާ ދެކޮޅަށް ނުކުންނައިރު، ޓީމުގައި އަނިޔާގެ މައްސަލަ ހުރި ނަމަވެސް މެޗުން މޮޅުވެވޭނެ ކަމަށް ބަޔާން މިއުނިކްގެ ކޯޗު ތޯމަސް ޓުޗެލް ބުނެފި އެވެ.

ޓުޗެލް މިހެން ބުނީ ގަލަޓަސަރާއިއާ ދެކޮޅަށް ބަޔާނުން ނުކުންނަ މެޗުގެ ކުރިން އޮތް ޕްރެސް ކޮންފަރެންސްގައި ވާހަކަ ދައްކަމުންނެވެ. އޭނާ ބުނީ ގަލަޓަސަރާއިއާ ދެކޮޅަށް ކުޅޭ މެޗަކީ އުނދަގޫ މެޗަކަށް ވާނެ ކަމަށެވެ. އެހެން ނަމަވެސް ބޭނުންވަނީ އެ މެޗުން މޮޅުވެ، ގްރޫޕް ސްޓޭޖުން ކުރިއަށް ދާން ކަމަށެވެ. ޓުޗެލް ފާހަގަ ކުރި ގޮތުގައި ޗެމްޕިއަންސް ލީގު ކަހަލަ ބޮޑެތި މުބާރާތްތަކުގައި މަސައްކަތް ކުރަން ޖެހޭނީ ފިޔަވަޅަކަށްފަހު، ފިޔަވަޅަކުންނެވެ. އޭނާ ބުނީ ބަޔާން ހިމެނިފައި އޮތް ގްރޫޕްގެ އެއް ވަނަ އެ ޓީމަށް ހޯދޭނެ ކަމަށާއި، އެ ޓީމަކީ އެ ފެންވަރުގެ ޓީމެއް ކަމަށެވެ.

މީގެ އިތުރުން ޓުޗެލް ބުނީ ބައިނަލްއަޤުވާމީ ބްރޭކަށްފަހު ކުޅުންތެރިން އެނބުރި އައިސް، އެކަށީގެންވާ ފަރިތަކުރުމެއް ކުރިއަށް ނުގެންދެވި ލީގު މެޗު ކުޅެން ޖެހުނު ކަމަށެވެ. އޭގެ ފަހުން ޓީމަށް އެކުވެގެން ރަނގަޅު ތަމްރީނެއް ކުރިއަށް ނުގެންދެވޭ ކަމަށް ވެސް ޓުޗެލް ވަނީ ބުނެފަ އެވެ. އިތުރަށް އޭނާ ބުނީ ބަޔާންގައި މިވަގުތު ކޮންމެ ވެސް ވަރަކަށް އަނިޔާގެ މައްސަލަ އުޅޭ ކަމަށެވެ. އެހެން ނަމަވެސް، އެކަންކަމާއެކު ވެސް، މެޗު ކާމިޔާބު ކުރެވޭނެ ކަމަށް އޭނާ ވަނީ ބުނެފަ އެވެ. ޚާއްސަކޮށް ގަލަޓަސަރާއި މެޗުގެ ކުރިން އޮންނަ އެންމެ ފަހުން ތަމްރީނުގައި ވަރަށް ރަނގަޅަށް ކުޅުންތެރިންނަށް އެކަންކަން ބުނެދޭނެ ކަމަށް ވެސް ޓުޗެލް ވަނީ ބުނެފަ އެވެ.

ގަލަޓަސަރާއިގެ ދަނޑުގައި އެ ޓީމާ ދެކޮޅަށް ނުކުންނައިރު، ގްރޫޕް އޭގެ އެއް ވަނައިގައި ބަޔާން އޮތީ ދެ މެޗުން ހަ ޕޮއިންޓު ހޯދައިގެންނެވެ. ދެ މެޗުން ހަތަރު ޕޮއިންޓާއެކު ގަލަޓަސަރާއި އޮތީ ދެ ވަނައިގަ އެވެ. މެޗުން މޮޅުވެ، ބަޔާނަށް ލީޑު ފުޅާ ކުރުމުގެ ފުރުސަތު އޮތް އިރު، ބަޔާން ބަލިކޮށްގެން އެއް ވަނަ އަށް ޖެހިލުމުގެ ފުރުސަތު ގަލަޓަސަރާއި އަށް އޮންނާނެ އެވެ.