ނަޗޯގެ ރަތްކާޑު މައާފްވާގޮތް ހެދުމަކީ އަންތަރީސްވާވަރުގެ ކަމެއް: ޒަވީ

ރެއާލް މެޑްރިޑްގެ ޑިފެންޑަރު ނަޗޯ ފެނާންޑޭޒްގެ ތިން މެޗުގެ ސަސްޕެންޝަން އެލްކްލެސިކޯގައި ކުޅެވޭގޮތަށް މައާފް ކުރުމުން އަންތަރީސްވެއްޖެ ކަމަށް ބާސެލޯނާގެ ކޯޗު ޒަވީ ހަނާންޑޭޒް ބުނެފި އެވެ.

ނަޗޯ ތިން މެޗަށް ސަސްޕެންޑްކުރީ ޖިރޯނާ މެޗުގައި ކުޅުންތެރިއަކަށް ގަސްތުގައި ހަމަލާދިނުމުން ދެއްކި ރަތްކާޑާއެކުގަ އެވެ. މި މައްސަލަ ރެއާލްއިން އިސްތިއުނާފު ކުރުމުން ސަސްޕެންޝަން ވަނީ ދެ މެޗަށް ބަދަލުކޮށްފަ އެވެ. އަދި ރޭ ސެވިއްޔާއާ ދެކޮޅަށް ރެއާލް ކުޅުނު މެޗާއެކު މި މަހގެ 28 ވަނަ ދުވަހ ބާސެލޯނާއާ ދެކޮޅަށްކުޅޭ މެޗުގައި ނަޗޯ އަށް ކުޅެވޭނެ އެވެ.

ރެއާލްއާ ދެކޮޅަށް ކުޅެން ތައްޔާރުވާއިރު ބާސެލޯނާގެ ގިނަ ކުޅުންތެރިން ތިބީ އަނިޔާގަ އެވެ. މީގެ ތެރެއިން އިކާއީ ގުންޑޮގަން އާއި އަލެހަންދްރޯ ބަލްޑޯ އަދި ލަމީން ޔަމާލް އަށް ރެއާލް މެޗުގައި ކުޅެވިދާނެ ކަމަށް ޒަވީ ބުންޏެވެ.

ރެއާލް އާއި ބާސެލޯނާ އަކީ ސްޕެނިޝް ލީގުގެ ކުރީގައިވާ ދެ ކުލަބެވެ.