މަކުނުދޫގައި އެއްޗެއް ގޮވައި، ދެ މީހުން މަރުވެއްޖެ
21 އޮކްޓޯބަރު 2023 | ހޮނިހިރު 11:58މި ހާދިސާ ހިނގި ސަރަހައްދުގައި ފުލުހުން ދަނީ ހަރަކާތްތެރިވަމުން
ހދ. މަކުނުދޫ
ހދ. މަކުނުދޫގައި އެއްޗެއް ގޮވައި، ދެ މީހުން މަރުވެއްޖެއެވެ.
ފުލުހުން މައުލޫމާތު ދިން ގޮތުގައި މަކުނުދޫގައި އެއްޗެއް ގޮވާފައިވާކަމަށް ހޮނިހިރު ދުވަހު ވަނީ ރިޕޯޓުކޮށްފައެވެ. މި ހާދިސާގައި ދެ މީހުން މަރުވެފައިވާކަމަށް މައުލޫމާތު ލިބިފައި ވާކަމަށްވެސް ފުލުހުން ބުންޏެވެ.
މި ހާދިސާ ހިނގި ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
މަކުނުދޫގައި އެއްޗެއް ގޮވާފައިވާއިރު, ބުރާސްފަތި ދުވަހު އެ އަތޮޅު ކުޅުދުއްފުށީ އެއާޕޯޓުގައި އެއްޗެއް ގޮވުމުގެ ސަބަބުން މީހަކަށް ވަނީ ސީރިއަސް އަނިޔާތަކެއް ލިބިފައެވެ.
ގޮވާފައިވަނީ މަކުނުދޫ މަސް މާރުކޭޓު ކައިރީގައި އޮތް ގޭސް ސިލިންޑަރެއްކަން، މިހާތަނަށް ބެލި ބެލުމުން އެނގިފައިވާކަމަށް ފުލުހުން ބުންޏެވެ. މި ހާދިސާގައި މަރުވެފައިވަނީ މަކުނުދޫ އެއާޕޯޓު ބިން ހިއްކުމުގެ މަސައްކަތް ކުރަމުންދާ ދެ މުވައްޒަފުން ކަމަށްވެސް ފުލުހުން ބުންޏެވެ.
