މި މަރުހަލާގައި އެފަދަ މަސައްކަތެއް ބާރަށް ކުރިއަށް ގެންދިއުމަކީ ޑރ. މުއިއްޒުގެ ކަންބޮޑުވެވަޑައިގަންނަވާ ކަމެއް
ފާމަސީ
ރާއްޖެއަށް ބޭނުންވާ ބޭސް ގެނައުމަށް އިންޑިޔާގެ ޓަމިލްނާޑޫ ކުންފުންޏަކާއެކު ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)އިން އެއްބަސްވުމަކަށް އައުމަށް ކުރާ މަސައްކަތް މަޑުޖައްސާލަން އިންތިޚާބީ ރައީސް ޑރ. މުހައްމަދު މުއިއްޒު އަންގަވާފައި ވާކަމަށް، އިންތިގާލީ އޮފީހުގެ ތަރުޖަމާނު މުހައްމަދު ފިރުޒުލް އަބްދުﷲ ޚަލީލު ވިދާޅުވެއްޖެއެވެ.
އިންތިގާލީ އޮފީހުގެ ތަރުޖަމާނުގެ ހައިސިއްޔަތުން ފިރުޒުލް ބާއްވަވަމުން ގެންދަވާ ނޫސްވެރިންގެ ބައްދަލުވުމުގައި އިންތިގާލީ މަރުހަލާގެ މަސައްކަތްތަކުގެ އަދާހަމަތައް ދެއްވަމުން ފިރުޒުލް ވިދާޅުވީ، އިންޑިޔާގެ ކުންފުންޏަކާ އެކީ އެސްޓީއޯ އިން ބޭސް ގެނައުމަށް ވަމުންދާ އެއްބަސްވުމުގެ މަސައްކަތް މަޑުޖައްސާލަން އިންތިޚާބީ ރައީސް އެދިވަޑައިގެންނެވީ، މި މަރުހަލާގައި އެ މަސައްކަތް "އެގޮތަށް ކުރިއަށް ނުގެންދިޔުމަށް" ކަމަށެވެ.
އެ މަސައްކަތް މަޑުޖައްސާލަން ޑރ. މުއިއްޒު އެންގެވީ ކޮން ސަބަބަކާހުރެ ކަމެއް ފިރުޒުލް ވިދާޅެއްނުވެއެވެ. އަދި މި ދުވަސްވަރު އެ މަސައްކަތް ކުރިއަށް ގެންގޮސްފައި ވާގޮތުގެ މައުލޫމާތުވެސް ފިރުޒުލް ދެއްވާފައެއްނުވެއެވެ.
