އަޒަރުބައިޖާނުން ތުރުކީއާއެކު އަސްކަރީ ތަމްރީނުތަކެއް އަންނަ ހަފުތާގައި ބާއްވަން ނިންމައިފިއެވެ.
އަޒަރުބައިޖާނުން އަންގާރަ ދުވަހު ބުނީ އަންނަ ހަފުތާގައި އެ ގައުމުގެ އެންމެ ގާތް އެކުވެރިޔާ ތުރުކީއާ އެކު އަސްކަރީ ތަމްރީނުތަކެއް ބާއްވާނެ ކަމަށެވެ.
ތުރުކީވިލާތުގެ ދެކުނު ކޮކޭސަސް ސްޓޭޓުގެ ދިފާއީ ވުޒާރާގެ ވެބްސައިޓުގައި ބުނެފައިވަނީ ތުރުކީގެ ޖުމްހޫރިއްޔަތަށް ސަތޭކަ އަހަރު ފުރުމުގެ މުނާސަބަތުގައި ބާއްވާ ހަރަކާތްތައް އޮކްޓޯބަރު މަހުގެ 23-25 އަށް ބައެއް ސަރަޙައްދުތަކުގައި ބޭއްވުމަށް ހަމަޖެހިފައިވާ ކަމަށެވެ.
އޭގެ ތެރޭގައި ވެރިރަށް ބާކޫ އާއި ނަޚްޗިވާންގެ ސަރަހައްދާއި 2020 ވަނަ އަހަރުން ފެށިގެން އަރުމީނިއާ ނަސްލުގެ ބާރުގެ ދަށަށް ގެންދިޔަ އަޒަރުބައިޖާންގެ ސަރަހައްދުތައް ހިމެނެއެވެ.
ނަޚްޗިވަން އަކީ ތުރުކީ އާއި އީރާނާ ބޯޑަރު އޮންނަ ގައުމެއް ނަމަވެސް ޖިއޮގްރަފީ ގޮތުން އަޒަރުބައިޖާންގެ މެއިންލޭންޑާ އަރްމީނިއާ އިން ވަކިވެފައިވާ ސަރަހައްދެކެވެ.
އަޒަރުބައިޖާންގެ ރައީސް އިލްހާމް އަލިޔޭވް މިދިޔަ މަހު ނަޚްޗިވަންގައި ތުރުކީގެ ރައީސް ތައްޔިބު އުރުދުޣާންއާ އެކު މަޝްވަރާތަކެއް ބާއްވަވާފައި މިވަނީ އަޒަރުބައިޖާންގެ ބާރުގެ ދަށުގައި ވާ ނަގޯނޯ ކަރަބާޚް ނަމަކަށް ކިޔާ އަރްމޭނިއާ ނަސްލުގެ ސަރަހައްދަށް އަޒަރުބައިޖާން ސިފައިން ވަދެގަތްތާ ހަފުތާއެއް ވެސް ނުވަނީހެވެ.
މި ބައްދަލުކުރެއްވުމުގައި އަލިޔޭވްއަށް އުރުދުޣާންގެ ތާއީދު ލިބިވަޑައިގަތީ ހުޅަނގު އަޒަރުބައިޖާނާއި ނަޚްޗިވަންއާ ދެމެދު އަރްމީނިއާ މަގުން ލޭންޑް ކޮރިޑޯއެއް ހެދުމުގެ އުންމީދުގައި ކަމަށް ބައެއް މީޑިއާ ރިޕޯޓްތައް ބުނެއެވެ.
