ޕީޕަލްސް ރިޕަބްލިކް އޮފް ބަންގްލަދޭޝަށް ރާއްޖެ އިން ކަނޑައަޅާ ސަފީރަކަށް ޝިއުނީން ރަޝީދު އައްޔަންކުރުމާއި މެދު މަޖިލީހަށް ފެންނަ ގޮތެއް ކަނޑައެޅުމަށް ފޮނުވައިފިއެވެ.
ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 115 ވަނަ މާއްދާގެ (ދ) އާއި، ޤާނޫނު ނަންބަރު 20/2021 (ދިވެހިރާއްޖޭގެ ފޮރިން ސަރވިސްގެ ޤާނޫނު) ގެ 14 ވަނަ މާއްދާގައިވާ ގޮތުގެމަތިން އެ މައްސަލަ މަޖިލީހަށް ހުށަހަޅާފައި ވަނީ އަންގާރަ ދުވަހުއެވެ.
ޕީޕަލްސް ރިޕަބްލިކް އޮފް ބަންގްލަދޭޝަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް ސ.ހުޅުދޫ/ އަސަރީގެ، އަލްފާޟިލާ ޝިއުނީން ރަޝީދު ހަމަޖެއްސެވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލަ މަޖިލީހަށް ހުށަހަޅުއްވާދެއްވީ މަޖިލީހުގެ އަމީންއާއްމު ފާތިމަތު ނިއުޝާއެވެ.
ބަންގަލަދޭޝްގެ ސަފީރަކަށް އައްޔަންކުރުމަށް ފޮނުއްވާފައިވާ ފޮރިން މިނިސްޓްރީގެ ޖޮއިންޓް ސެކެޓްރީ ޝީއުނީން ރަޝީދުގެ ނަން މަޖިލީހަށް ނަން ފޮނުވީ މިދިޔަ މަހުގެ 5ގައެވެ.
