ހަމާސް އިން އިސްރާއީލަށް ފުލު ފުލުގައި ހަމަލާތަކެއް ދީފި

ހަމާސް އިން އިސްރާއީލް އަށް ރޮކެޓް ހަަމަލާއެއް ދީފިއެވެ.

ބްލޮކޭޑްކޮށްފައިވާ ފަލަސްތީނުގެ އެންކްލޭވްގެ ހަނގުރާމަވެރިން އިސްރާއީލަށް ވަދެ، ރޮކެޓް ހަމަލާއެއް ދީފިއެވެ.

ހޮނިހިރު ދުވަހު ގެ ހެނދުނު ދިން މި ހަމަލާގައި އެކަކު މަރުވެފައިވާ ކަމަށް ރިޕޯޓުތައް ބުނެއެވެ. އިސްރާއީލުގެ ދެކުނާއި މެދުތެރޭގެ އެކި ހިސާބުތަކުގައި ވައިގެ ހަމަލާތަކުގެ ސައިރެންތައް ދެމުން ދިޔައިރު، ސިފައިން ވަނީ ބޮން ހިޔާ ތަންތަނާ ކައިރީގައި ތިބުމަށް އިލްތިމާސްކޮށްފައެވެ.

ފަލަސްތީނުގެ ޖަމާއަތް ހަމާސްގެ ހަތިޔާރު އެޅި ވިންގުން ވަނީ ވައިގެ މަގުން ދިން ހަމަލާގެ ފަހަތުގައި ތިބިކަން އިއުލާންކޮށް، އެ ޖަމާއަތުގެ ހަނގުރާމަވެރިން 5،000 އަށް ވުރެ ގިނަ ރޮކެޓް ފޮނުވާލާފައިވާ ކަމަށް ބުނެފައެވެ.

ހަމާސްއިން ވަނީ ހުޅަނގު އައްސޭރީގައި ތިބި ދެކޮޅުވެރި ހަނގުރާމަވެރިންގެ އިތުރުން އަރަބި އަދި އިސްލާމީ ގައުމުތަކަށްވެސް އެ ހަނގުރާމައިގައި ބައިވެރިވުމަށް ގޮވާލާފައެވެ.

2007 ވަނަ އަހަރު ހަމާސް ޖަމާއަތުން ވެރިކަމާ ހަވާލުވުމާ ގުޅިގެން އިސްރާއީލުން ވަނީ ޣައްޒާއަށް ވަރުގަދަ ހުރަސްތަކެއް އަޅާފައެވެ. މިކަމާއި ގުޅިގެން ފަލަސްތީން އަދި ޣައްޒާގެ މެދުގައި ދަނީ އެތައް ހަނގުރާމަތަކެއް ކުރެވެމުންނެވެ.

މި އަހަރުގެ މިހާތަނަށް 247 ފަލަސްތީނުގެ ރައްޔިތުންނާއި، 32 އިސްރާއީލުގެ ރައްޔިތުންގެ އިތުރުން އެ ގައުމުތަކަށް ނިސްބަތްނުވާ 2 މީހުން މި ހަނގުރާމަތަކުގައި މަރާލާފައިވާކަމަށް ރިޕޯޓުތައް ބުނެއެވެ.