ތަޣައްޔަރުވުމާއި މާގިނައިން މަސްވެރިކަން ކުރުން ފަދަ ނުރައްކާތަކުން މުރަކަ ފަރުތައް ރައްކާތެރި ކުރުމަށް ގިނަ ގައުމުތަކެއް އެކުވެގެން އުފައްދާފައިވާ އިއްތިހާދުން 12 ބިލިއަން ޑޮލަރު ހޯދާނެ ކަމަށް ބުނެފިއެވެ.

12 ބިލިއަން ޑޮލަރު ހޯދާނެކަމަށް އިންޓަނޭޝަނަލް ކޮރަލް ރީފް އިނީޝިއޭޓިވް (އައިސީއާރުއައި) އިން ބުނެފައިވީނަމަވެސް، މޫސުމަށް އަންނަ ބޮޑެތި ނުރައްކާތަކަށް ހައްލެއް ހޯދައި ނުދެވޭނަމަ އެ ފަންޑަކީ ކަނޑަށް ވައްޓާލާ ގާކޮޅެއް ފަދަކަމަށް ވެގެންދާނެ ކަމަށެވެ.

އައިސީއާރުއައި އިން ބުނެފައިވަނީ އެ އިއްތިހާދުން ޕްރައިވެޓް އައި ޕަބްލިކް އިންވެސްޓްމަންޓްތައް ހޯދާ ރައްކާކޮށް، މުރަކައިގެ އިކޯސިސްޓަމް ރައްކާތެރިކުރުމަށް މަސައްކަތް ކުރާނެ ކަމަށެވެ. އަދި މީގެ ތެރޭގައި ދުނިޔޭގެ ހަތަރުބައިކުޅަ އެއްބައި ކަނޑުގެ ދިރުންތަކާއި ބިލިއަނެއްހާ މީހުން ހިމެނޭ ކަމަށް ބުނެފައިވެއެވެ.

ކަނޑުތައް ތަޣައްޔަރުވުން އިތުރުވުމާއި، އައްސޭރިފަށުގައި ހިންގާ ތަރައްގީއާއި، މަސްވެރިކަމުގެ އުޅަނދުތަކުގެ ސަބަބުން މުރަކަ ފަރުތަކަށް އިތުރު ޕްރެޝަރު އަންނަކަމަށް ބުނެފައިވެއެވެ. މީގެ އިތުރުން ކަނޑުގެ ލޮނުގަނޑު އުފުލެމުންދިއުމުގެ ސަބަބުން މުރަކަ ހުދުމުވުގެ މައްސަލަތައް ވެސް ދިމާވެފައިވާ ކަމަށް ބުނެފައިވެއެވެ.

އޮސްޓްރޭލިއާގެ ޔުނިވާސިޓީ އޮފް ވޮލޮންގޮންގްގެ ސްކޫލް އޮފް އާރތް، އެޓްމޮސްފެރިކް އެންޑް ލައިފް ސައިންސަސްގެ ސީނިއާ ލެކްޗަރާ މަރިއަން ވޮންގް ވިދާޅުވީ ރައްކާތެރިކަމާއި އަލުން ކަންކަން ކުރުމަށް އިތުރު ފައިސާ ދިނުމަކީ "އުފާވެރި ޚަބަރެއް" ނަމަވެސް ފިނިހޫނުމިން މަތިވުމަކީ އެއަށްވުރެ ބޮޑު ނުރައްކަލެއް ކަމަށެވެ.

އައިސީއާރުއައި އިން ބުނީ އަމާޒަކީ 125،000 އަކަކިލޯމީޓަރުގެ ތިލަ ފަޅުގެ މުރަކައިގެ ފަރުތަކުގެ "މުސްތަގުބަލު ރައްކާތެރި" ކުރުމާއި، ދިހަ އަހަރު ނިމޭއިރު މުރަކަތަކަށް ހިމާޔަތް ބޮޑަށް ލިބޭ ސަރަހައްދުތައް ދެގުނައަށް އިތުރުކުރުމެވެ.

އަދި އާ ހައްލުތައް ބޭނުންކޮށްގެން ހަލާކުވެފައިވާ ފަރުތައް އަލުން އާލާކުރުމުގެ މަސައްކަތް "ހަލުވި" ކުރުމަށް ވެސް ވައުދުވެފައިވެއެވެ.

ޔުނިވާސިޓީ އޮފް ޓެކްނޮލޮޖީ ސިޑްނީގެ މެރިން އިކޯލޮޖިސްޓް ޑޭވިޑް ބޫތު ވަނީ އަލުން ފަރެއް ހެދުމަކީ ފަރުވާއެއް ނޫން ކަމަށް އިންޒާރު ދެއްވައި، މާނަހުރި މިންވަރަކަށް އެކަން ކުރުމަކީ "ވިސްނޭ ވަރަށް އަގުބޮޑު ކަމެއް" ކަމަށް ވިދާޅުވެފައެވެ.

އައިސީއާރުއައި އަކީ 1994 ވަނަ އަހަރު އޮސްޓްރޭލިއާ، ފްރާންސް، ޖަޕާން، ޖެމެއިކާ، ފިލިޕީންސް، ސްވިޑެން، އިނގިރޭސިވިލާތް އަދި އެމެރިކާއިން ހަދާފައިވާ އިއްތިހާދެކެވެ. އޭގެ މެމްބަރުންގެ ތެރޭގައި މިހާރު ހިމެނެނީ ދުނިޔޭގެ މުރަކަތަކުގެ ތިންބައިކުޅަ އެއްބައި ތަމްސީލުކުރާ 45 ގައުމެކެވެ.