އިދިކޮޅު ކެމްޕެއިން ތެރެއިން ފެންނަ މަންޒަރަކީ މުޅި ދައުލަތް ޚަރާބުވެގެންދާ މަންޒަރު: އިމްރާން
29 ސެޕްޓެމްބަރު 2023 | ހުކުރު 02:54ގޭންގުތަކުން މިހާރުވެސް އިދިކޮޅުގެ ސަރުކާރެއް އަތުވެއްޖެނަމަ އެމީހުންނަށް ހަމަނޭވާލާއެއް ލެވޭނެކަމަށް ބުނަމުންދާކަމަށް އިމްރާން ވިދާޅުވި
އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ
އިދިކޮޅު ކެމްޕެއިން ތެރެއިން ދައްކަމުންދާ ވާހަކަތަކުން ފާހަގަވާ ކަމަކީ އިދިކޮޅުގެ ވެރިކަމެއް ރާއްޖޭގައި ގާއިމުވެއްޖެނަމަ ދައުލަތުގެ މުއައްސަސާ އެކީ ޚަރާބުކޮށްލާނެކަން ކަމަށް އަދާލަތު ޕާޓީގެ ރައީސް އަދި ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އެމްޑީޕީން ބުރާސްފަތި ދުވަހުގެ ރޭ ސޯސަން މަގު ޖަގަހަ ކުރިމަތީގައި ކުރިޔަށްގެންދިޔަ ކަންމަތީ ޖަލްސާގައި ވާހަކަފުޅު ދައްކަވަމުން އިމްރާން ވިދާޅުވީ އިދިކޮޅު ކެންޑިޑޭޓް އިންތިޚާބު ކާމިޔާބުކުރައްވައިފިނަމަ ދައުލަތް އެފުށް މިފުށަށް ޖަހާލާނެކަމަށެވެ. އެއީ ގޭންގުތަކުން މިހާރުވެސް އިދިކޮޅުގެ ސަރުކާރެއް އަތުވެއްޖެނަމަ އެމީހުންނަށް ހަމަނޭވާލާއެއް ލެވޭނެކަމަށް ބުނަމުންދާތީކަމަށް އިމްރާން ވިދާޅުވިއެވެ.
މީގެއިތުރުން އިމްރާން ވަނީ ގޭންގުތަކުން ބޭނުންވާ މީހުން މަގާމުތަކުގައި ތިބޭނެކަމަށް ކުރިން ވިދާޅުވި ވާހަކަ ތަކުރާރުކުރައްވާފައެވެ.
އިމްރާން ވިދާޅުވީ ރައީސް ޞާލިހަކީ އޯގާތެރިވެރިއެއްކަމަށާއި އެކަން މިހާރުވެސް ފެންނަމުންދާކަމަށެވެ. އެގޮތުން ދާދިފަހުން އުތުރުތިލަފަޅަށް ދިޔަރެސް ނޫހުގެ ނޫސްވެރިން ދިޔަދިޔުމަށް އިޝާރާތްކުރައްވާ އިމްރާން ވިދާޅުވީ އެއީ ކުރީގެ ރައީސް އަބްދުﷲ ޔާމީންގެ ވެރިކަމުގައި ހިނގި ކަމެއްކަނަމަ އެމީހުންނަށް އަނބުރާ މާލެ ނާދެވޭނެކަމަށެވެ.
އަދި އިދިކޮޅުގެ ވެރިކަމެއްގައި މިނިވަން ނޫސްވެރިކަމެއް ރާއްޖޭގައި ނޯންނާނެކަމަށްވެސް އިމްރާން ވިދާޅުވިއެވެ.
