އަލަބާ ދެނީ އެނބުރި އަންނާނެ ކަމުގެ ޔަގީންކަން
އަލަބާ ބުނީ، ކުޅިވަރަކީ އަބަދު ވެސް ބައްޔާއެކު ކުރިއަށްދާ ކަމެއް ކަމަށް
ރެއާލަށް ކުޅެމުން އަންނަ ޑޭވިޑް އަލަބާ
ރެއާލް މެޑްރިޑު އެނބުރި އަންނާނީ ވަރުގަދަކޮށް ކަމަށް އެ ޓީމަށް ކުޅެމުން އަންނަ އޮސްޓްރިއާގެ ޑިފެންޑަރު ޑޭވިޑް އަލަބާ ބުނެފި އެވެ.
އޭނާ މިހެން ބުނީ ސްޕެނިޝް ލީގުގައި ރެއާލުން އެތުލެޓިކޯއާ ދެކޮޅަށް ކުޅުނު މެޗުން ބަލިވުމާއެކު އެވެ. އަލަބާ ބުނީ ރެއާލްގެ އެންމެހައި ސަޕޯޓަރުން ވެސް ޓީމުގެ ކިބައިން އިތުރަށް އުންމީދު ކުރާނެ ކަމަށެވެ. އެ މެޗުގައި ދެއްކުނީ ސަޕޯޓަރުން އެންމެ ބޭނުންވާ ކުޅުން ނޫން ކަމަށް އޭނާ ބުންޏެވެ. ޚުދު އޭނާ އަށް ވެސް އެންމެ އެކަށީގެންވާ މިންވަރަށް ނުކުޅެވޭ ކަމަށް އަލްބާ ފާހަގަ ކުރި އެވެ. އޭނާ ބުނީ މުޅި މެޗުގައި ވެސް ފެނުނީ ރެއާލްގެ އަސްލު ގޭމު ނޫން ކަމަށެވެ. އެ މެޗުގެ ނަތީޖާ އިން ސަޕޯޓަރުން ވަރަށް ބޮޑަށް މާޔޫސްވާނެ ކަމަށާއި، ނަމަވެސް ރެއާލް އެނބުރި އަންނާނީ އެއަށްވުރެ މާ ގަދަކޮށް ކަމަށް އަލްބާ ވަނީ ބުނެފަ އެވެ.
މީގރެ އިތުރުން އަލަބާ ބުނީ، ކުޅިވަރަކީ އަބަދު ވެސް ބައްޔާއެކު ކުރިއަށްދާ ކަމެއް ކަމަށެވެ. ނަމަވެސް ބަލިވާ ވަގުތު ހިތްވަރު އެލުވާލައިގެން ނުވާނެ ކަމަށާއި، އަބަދު ވެސް ކުރިއަށް ދާން މަސައްކަތް ކުރަން ޖެހޭނެ ކަމަށް އަލަބަ ވަނީ ބުނެފަ އެވެ. ރެއާލްގެ ހުރިހާ ކުޅުންތެރިންނަކީ ވެސް އެ އަޒުމުގައި މަސައްކަތް ކުރަމުން އަންނަ ކުޅުންތެރިން ކަމަށް ވެސް އޭނާ ބުންޏެވެ.
