"އާބަން ގްލައިޑް" ރަސްމީކޮށް ތައާރަފްކޮށްފި
އެޕްލިކޭޝަން މެދުވެރިކޮށް ގްލައިޑެއް ކުއްޔަށް ނަގައި ފައިސާ ދެެއްކޭނެ
"އާބަން ގްލައިޑް" ރަސްމީކޮށް ތައާރަފްކޮކުރުން
"އާބަން ގްލައިޑް" ރަސްމީކޮށް ތައާރަފްކޮށްފިއެވެ.
"އާބަން ގްލައިޑް" ތައާރަފްކުރީ އާދިއްތަ ދުވަހު ހުޅުމާލޭގައި ބޭއްވި ރަސްމިއްޔާތެއްގައެވެ.
"އާބަން ގްލައިޑް"ގެ ނަމުގައި އާއްމުންނަށް ބޭނުންކުރެވޭ ގޮތަށް އިލެކްޓްރިކް ސްކޫޓަރުތަކެއް ތައާރަފުކޮށްފައި ވަނީ އާބަންކޯގެ ސްމާޓްކޮމް ބްރޭންޑުގެ ދަށުންނެވެ.
މިއީ ތިމާވެއްޓާ ރައްޓެހި ސިޓީއަކަށް ހުޅުމާލެ ހެދުމަށް އާބަންކޯއިން ކުރަމުންދާ މަސައްކަތުގެ ދަށުން ކުރާ ކަމެކެވެ. "އާބަން ގްލައިޑް" ތައް ތައާރަފުކޮށްފައި ވަނީ ޕައިލެޓް ޕްރޮޖެކްޓެއް ގޮތުގަ ކަމަށް ވާއިރު ގްލައިޑްތައް ބޭނުންކުރެވޭނީ ކުޑަ ފީއެއް ދައްކައިގެންނެެވެ. އެޗްޑީސީގެ މެނޭޖިންގ ޑިރެކްޓަރު އަހްމަދު އާތިފް ވިދާޅުވީ އެ މަސައްކަތްކުރަމުން ދަނީ ދިވެހި ޓީމަކުން ކަމަށެވެ. ދިރާސާކޮށް ރާއްޖޭގައި އެކަން ކުރެވިދާނެ ގޮތް ބެލުމަށް މަސައްކަތް ކުރަމުންދާ ކަމަށް އޭނާ ވިދާޅުވިއެވެ. އާއްމުން މިކަން ބަލައިގަންނަ ނަމަ އެފަދަ އިތުރު ވަސީލަތްތައް ގާއިމްކުރާނެ ކަމަށާއި، އެއީ ހުޅުމާލެ ގްރީން ސިޓީއަކަށް ހެދުމަށްޓަކައި މުހިންމު ކަމެއް ކަމަށް އޭނާ ވިދާޅުވިއެވެ.
އާބަން ގްލައިޑް ބޭނުން ކުރެވޭނީ އެކަމަށް ޚާއްސަ މޯބައިލް އެޕްލިކޭޝަނެއްގެ އެހީގައެވެ. އެގޮތުން އެ އެޕްލިކޭޝަން އަޅައި ރަޖިސްޓްރީކުރުމުން އެމީހަކާ އެންމެ ކައިރިން ގްލައިޑުތައް ލިބެން ހުރި ތަން ފެންނާނެއެވެ. އެޕްލިކޭޝަން މެދުވެރިކޮށް ގްލައިޑެއް ކުއްޔަށް ނަގައި ފައިސާ ދެެއްކޭނެއެވެ.
