މަރުގެ ތުންފަތްމައްޗަށް ހުށަހެޅުނު މޮރޮކޯގެ ކުޑަކުދިންގެ ހިތްތަކަށް އުފާވެރިކަމެއް

ފާއިތުވެދިޔަ ޤަރުނަކަށް ވުރެ ގިނަ ދުވަހުގެ ތެރޭގައި މޮރޮކޯއަށް އައި އެންމެ ބާރުގަދަ ބިންހެލުމުގައި ގެދޮރު ގެއްލުނު މީހުންނަށް ޚާއްޞަ ކޮށްފައި އޮތް ކޭމްޕު ސަރަޙައްދުގައި ދިރިއުޅެމުންދާ ކުޑަކުދިންނަށް ޕާކެއް ތަރައްޤީ ކުރަމުން ދާ މަންޒަރު ބަލަން، ޢުމުރުން 11 އަހަރުގެ ފާޠިމާ ޒަހްރާ ހުރިއިރު، އެ މައުސޫމު މޫނުމަތިން ފެންނަމުން ދިޔައީ އިންތިހާ އުފާވެރިކަމެވެ.

ސެޕްޓެމްބަރ 8 ވީ ހުކުރު ދުވަހުގެ ރޭގަނޑު 11 ޖަހާ އެހާކަން ހާއިރު، ރެކްޓަރ މިންގަނޑުން 6.8 ގެ ބާރު މިނުގައި އައި ވަރުގަދަ ބިންހެލުމުގައި ފާޠިމާގެ އަށް ބޮޑެތި ގެއްލުންތަކެއް ލިބުނެވެ. އަމިޒްމިޒްގައި ފާޠިމާއާއި އޭނާގެ ޢާއިލާ ދިރިއުޅެމުން ދިޔަ އިމާރާތް ހަލާކުވުމާއެކު، އެ ގެ ދޫކޮށް ނުކުތުމަށް އެ ޢާއިލާއަށް މަޖުބޫރުވީއެވެ.

ބާރުގަދަ ބިންހެލުމުގެ ވަރުގަދަ ލޮޅުންގަނޑު އަރައިގެން އައި އިރު ފާޠިމީ އިނީ ގޭގައި ނިންމުމަށް، ސްކޫލުން ދީފައި ހުރި ފިލާވަޅުތައް ނިންމާށެވެ. ފާޠިމާ އިނީ އެކަނި މައި އެކަންޏެވެ.

ބިންގަނޑު ހެލިގަތް އިރު ފާޠިމާގެ ބައްޕަ، ޖަމާލް ވީ މަސައްކަތު ގޮހެވެ. ޖަމާލްއަކީ އަމިޒްމިޒްގައި ހިންގާ ކޮފީ ޝޮޕެއްގައި ވެއިޓަރެއްގެ ވަޒީފާ އަދާ ކުރާ މީހެކެވެ. ހާދިޘާ ހިނގުމާއެކު ޖަމާލް، އޭނާގެ ގެއާ ދިމާއަށް ދުއްވައިގަތެވެ. ގެއަށް ދެވުނު އިރު އޭނާގެ 2 ފިރިހެން ދަރިންނާއި އަންހެން ދަރިފުޅާއި އަންހެނުންވެސް ވަނީ ގޭތެރޭގައި ތާށިވެފައެވެ.

ޢުމުރުން 53 އަހަރުގެ ޖަމާލްއަށް، އޭނާގެ ޢާއިލާއާ ހިސާބަށް ދެވުނީ އަވަށްޓެރިންގެ އެހީއާއެވެސް އެކުގައެވެ.

ފާޠިމާމެން ދިރިއުޅެމުން ދިޔަ ގެ ހުރި ސަރަޙައްދުގައި މިއަދު އޮތީ ހުސް ގާކުނޑިއެވެ. ފާޠިމާއާއި އޭނާގެ ޢާއިލާ މިހާރު ދިރިއުޅެމުން ދަނީ، ގެއާއި މާ ދުރު ނޫން ހިސާބެއްގައި ހުރި ކޭމްޕެއްގައެވެ. ނަމަވެސް، އެ ތަނަށް އަދި ހޭނެވޭ ގޮތެއް ނުވެއެވެ.

ކޭމްޕު ސަރަޙައްދުގައި ދިރިއުޅެމުންދާ ކުދިންނަށް ޚާއްޞަކޮށްގެން އަމިއްލަ ކުންފުންޏަކުން ޕާކެއް ތަރައްޤީ ކުރުމުގެ މަސައްކަތް ކުރަމުން ދިޔައިރު، އެ ސަރަޙައްދަށް އެއްވެ ތިބި ކުދިންގެ މޫނުމަތިންވެސް ފެންނަމުން ދިޔައީ އުޖާލާ ކަމެވެ. މައިންބަފައިންނަށްވެސް ކުރެވެނީ ފޮނި ޢުއްމީދުތަކެކެވެ. އެ ބިރުވެރި ރޭގެ ހަނދާންތަކުން ކުޑަ ނަމަވެސް ވަޤުތުކޮޅަކަށް ދަރިން ދުރުކޮށްލަދޭނެ ކަމުގެ ޢުއްމީދެވެ.

ޖަމާލްގެ ވާހަކަތަކަށް، ޙާމިދު އައިތު ފާކިރުވެސް އެއްބަސްވިއެވެ. ބިންހެލުނު ރޭގެ ހަނދާން ވާ ކޮންމެ ފަހަރަކު، މި މަރުވަނީ އޭ އޭނާގެ ދަރިފުޅަށް އިޙުސާސް ކުރެވޭ ކަމަށް ޙާމިދު ކިޔައިދިނެވެ.

އެންމެ ފަހުން އާންމު ކުރި ރަސްމީ ރެކޯޑްތަކަށް ބަލާއިރު، ސެޕްޓެމްބަރ 8 ވަނަ ދުވަހުގެ ރޭގަނޑު އައި ބާރުގަދަ ބިންހެލުމުގައި މަރުވި މީހުންގެ ޢަދަދު ވަނީ 2946 އަށް އަރާފައެވެ. ޒަޚަމްވީ މީހުންގެ ޢަދަދު ވަނީ 5674 އަށް އަރާފައެވެ. އެ ކާރިޘާއަކީ 1960 ވަނަ އަހަރަށް ފަހު މޮރޮކޯއަށް ކުރިމަތިވި އެންމެ ގެއްލުން ބޮޑު ކާރިޘާއެވެ. އަދި 1900 ވަނަ އަހަރަށް ފަހު އެ ޤައުމަށް އައި އެންމެ ބާރުގަދަ ބިންހެލުންވެސްމެއެވެ.