މަޖިލީހުގެ މައިނޯރިޓީ ޕީޕީއެމް އަށް ގެއްލިއްޖެ

ރައްޔިތުންގެ މަޖިލީހުގެ މައިނޯރިޓީ އިދިކޮޅު މައި ޕާޓީ ޕީޕީއެމްއަށް ގެއްލިއްޖެއެވެ.

އެކަން ހާމަކުރެއްވީ ރައްޔިތުންގެ މަޖިލީހުގެ އަންގާރަ ދުވަހުގެ ޖަލްސާގައެވެ. އެ ޖަލްސާގައި އިޢުލާންކޮށްފައިވާ ގޮތުން އަދިވެސް މެޖޯރިޓީ އޮތީ ވެރިކަން ކުރާ އެމްޑީޕީގެ އަތުގައެވެ. އެއީ 56 މެންބަރުންނާއެކުގައެވެ.

މީގެ ކުރިން މައިނޯރިޓީ ޕާޓީއެއްގެ ގޮތުގައި މީގެ ކުރިން ޕީޕީއެމް އޮތް އިރު އޭރު ޕީޕީއެމްގައި ތިއްބެވީ 5 މެމްބަރުންނެވެ. އެހެންނަމަވެސް ވަކި ޕާޓީއަކަށް ނިސްބަތްވެ ވަޑައިނުގަންނަވާ 10 މެންބަރަކު ދަ ޑިމޮކްރެޓްސްއާ ގުޅިވަޑައިގެންނެވުމުން މިހާރު މައިނޯރިޓީ ޕާޓީއަކީ އެއީއެވެ. މިހާރު ދަޑިމޮކްރެޓްސްގައި 13 މެމްބަރުން އެބަ ތިއްބެވިއެވެ. މިހާރު މަޖިލީހުގެ މައިނޯރިޓީ ލީޑަރަކީ މެދު ހެންވޭރު ދާއިރާގެ މެންބަރު އަލީ އާޒިމެވެ.

މީގެ އިތުރުން މަޖިލީހުގައި ޕީއެންސީގެ 3 މެމްބަރުންނާއި އެމްއެންޕީގެ 3 މެމްބަރުންގެ އިތުރުން އެމްޑީއޭގެ 2 މެމްބަރުން އެބަތިއްބެވިއެވެ. ޖޭޕީގެ 2 މެމްބަރުން އަދި އަމިއްލަ 3 މެމްބަރުން ވެސް މަޖިލީހުގައި އެބަ ތިއްބެވިއެވެ.