ބައެއް މެންބަރުން ޕީޕީއެމުން ވަކިވެފައިވާކަމަށް މޭމަހު އަނިލް ވިދާޅުވި: ޖޭމްސް ދޫރިސް
ޕީޕީއެމްގެ ބައެއް މެންބަރުން އެޕާޓީން ވަކިވެފައިވާކަމަށް އަނިލް ވިދާޅުވި
މިއަދު އިލެކްޝަނުން ވަނީ 4 މެންބަރެއްގެ ގޮނޑި ގެއްލިއްޖެކަން ނިންމާ ބައި އިލެކްޝަން އިއުލާންކޮށްފައި
ޕީޕީއެމްގެ ބައެއް މެންބަރުން އެޕާޓީގައި ނެތްކަމަށް، ނުވަތަ ވަކިވެފައިވާކަމަށް ބަންޑާރަ ނައިބު މުޙައްމަދު އަނިލް ކުރިން ވިދާޅުވިކަމަށް އިނގިރޭސި ވިލާތުން ސްރީލަންކާއަށާއި ރާއްޖެއަށް ކަނޑައަޅުއްވާއި ހުންނަވާ ސަފީރު ޖޭމްސް ޑޯރިސް ވިދާޅުވެއްޖެއެވެ.
ޕީޕީއެމްގެ ހަތަރު މެންބަރެއްގެ ގޮނޑި ގެއްލިއްޖެކަމަށް ކަނޑައަޅައި އެ ދާއިރާތަކުގެ ބައި އިލެކްޝަން ބޭއްވުމަށް ނިންމާފައިވާކަން އިލެކްޝަން ކޮމިޝަނުން އިއުލާންކޮށްފައިވަނިކޮށް ބުދަ ދުވަހު ޑޮރިސް ކުރެއްވި ޓްވީޓެއްގައި ވިދާޅުވީ، މިދިޔަ މޭމަހުގެ 23 ވަނަ ދުވަހު ސަރުކާރުން އީޔޫގެ ވަފުދާއި އެކު ބޭއްވުނު މަޝްވަރާތަކުގައި ޕީޕީއެމްގެ ބައެއް މެންބަރުން އެޕޓީން ވަކިވެފައިވާކަމަށް ބަންޑާރަ ނައިބު އަނިލް ވިދާޅުވި ކަމަށެވެ.
މަޖިލިސް ރައީސް މަސީހުގެ އިިތުބާރު ނެތްކަމުގެ މައްސަލައަށް ތާއީދުކޮށް ސޮއިކުރި ޕީޕީއެމްގެ 11 މެންބަރުންގެ ތެރެއިން އެއް މެންބަރެއް ފިޔަވާ އެހެން ހުރިހާ މެންބަރުން ވަނީ އަމިއްލައަށް އެދިވަޑައިގެން ޕިޕީއެމުން ވަކިވެވަޑައިގެންފައެވެ. އެހެންނަމަވެސް އޭގެ ކުރިން، ސަރުކާރުގެ ބައެއް ސިޔާސަތު ތަކާއިމެދު ހިތްހަމަ ޖެހިވަޑައިނުގެން ސަރުކާރުން ހުށައެޅި ބައެއް ބިލުތަކަށް ވިޕްލައިނާއި ޚިލާފަށް ވޯޓުދީގެން އެމެންބަރުންނާއި މެދު ސުލޫކީ ކޮމިޓީން ފިޔަވަޅު އަޅައި އެ ބޭފުޅުން ވަނީ ޕާޓީން ވަކިކޮށްފައެވެ.
ޑޯރިސް މިހެން ވިދާޅުވެފައިވާއިރު، އިލެކްޝަންސް ކޮމިޝަނުން މިއަދު ވަނީ، ހަތަރު މެންބަރެއްގެ ގޮނޑި ގެއްލިފައިވާކަމަށް ނިންމައި އެ ދާއިރާތަކުގެ ބައި އިލެކްޝަން ބާއްވަން ނިންމާފައިވާކަން އިއުލާން ކޮށްފައެވެ.
