ޖަރުމަނު ކޯޗު ކަމާ ހަވާލުނުވާނަން: ވޮލާ

ޖަރުމަނުގެ ކޯޗުކަމާ ހަވާލުނުވާނެ ކަމަށް ގައުމީ ޓީމުގެ ޑިރެކްޓަރު ރޫޑީ ވޮލާ ބުނެފި އެވެ.

ވޮލާ އަކީ 2000 ވަނަ އަހަރުން ފެށިގެން 2004 ވަނަ އަހަރާ ހަމައަށް ޖަރުމަނުގެ ކޯޗެވެ. އުމުރުން މިހާރު 63 އަހަރުގެ ކުރީގެ ފޯވަޑަކީ 1990 ވަނަ އަހަރުގެ ވޯލްޑްކަޕް ކާމިޔާބުކުރި ޖަރުމަނު ޓީމުގެ އެންމެ މުހިންމު ފޯވަޑެވެ. އޭނާ ވަނީ ޖަރުމަނުގެ 186 މިއުނިކާއި ވާޑަބްރޭމަން، ބަޔާން ލެވަކޫސަން އަދި އިޓަލީގެ ރޯމާ އަށް ވެސް ކޯޗުކޮށްދީފަ އެވެ.

އޭނާ މިވަގުތު ތައްޔާރުވަމުންދަނީ ފްރާންސާ އެކު ޖަރުމަނު ކުޅޭ މެޗަށް ޓީމު ތައްޔާރުކުރުމާ ހަވާލުވެގެންނެވެ.

ޖަރުމަނުގެ ކޯޗުކަން ހުސްވީ އެ މަގާމުން ހަންސް ފްލިކް ދެ އަހަރަށް ފަހު ވަކިކުރުމުންނެވެ. އެއީ ނަތީޖާތައް ގޯސްވުމުންނެވެ. ޖަރުމަނުން މަސައްކަތް ކުރަނީ އަންނަ އަހަރުގެ ޔޫރޯ އަށް ރަނގަޅު ކޯޗަކު ހޯދުމަށެވެ. ސަބަބަކީ އެންމެފަހުގެ ދެ ވޯލްޑްކަޕުން ވެސް ގްރޫޕް ސްޓޭޖުން ޖަރުމަނު ކަޓާފައިވުމެވެ.