ޕެލޭ ފަހަތަށްލައި، ބްރެޒިލްގެ މީހަކީ ނޭމާ

ބްރެޒިލްގެ ގައުމީ ޓީމަށް އެންމެ ގިނަ ގޯލު ޖެހި ކުޅުންތެރިޔާގެ މަގާމު ނޭމާ ސަންޓޯސް ހޯދައިފިއެވެ.

ބްރެޒިލާއި ދުނިޔެ ދުށް އެންމެ މޮޅު ކުޅުންތެރިޔާ ޕެލޭގެ ރެކޯޑް، ނޭމާ އަތުލީ ވޯލްޑްކަޕް ކޮލިފައިންގައި ރޭ ބޮލީވިއާ އަތުން 5-1ން ބްރެޒިލް މޮޅުވި މެޗުގައެވެ.

1957ން 1971ށް ބްރެޒިލަށް ކުޅެ، ތިން ވޯލްޑްކަޕް ކާމިޔާބުކުރި ޕެލޭ ޖަހާފައިވަނީ 77 ގޯލެވެ. ގައުމީ ޓީމަށް 124 މެޗު ކުޅެގެން ނޭމާގެ މިހާރުގެ ޖުމުލައަކީ 79 ގޯލެވެ.

އަންހެން ކުޅުންތެރިންނާއި ފިރިހެން ކުޅުންތެރިން އެއްކޮށް، ބްރެޒިލަށް އެންމެ ގިނަ ގޯލު ޖަހައިދީފައިވަނީ މާޓާއެވެ. އޭނާ ޖަހާފައިވަނީ 171 މެޗުން، 115 ގޯލެވެ.

ޕެލޭގެ ރެކޯޑް ނޭމާ މުގުރާލުމުން ބްރެޒިލްގެ ކުޅުންތެރިންނާއި ޕެލޭ ފައުންޑޭޝަނުން ވަނީ ނޭމާއަށް މަރުހަބާ ކިޔާފައެވެ. ކެންސަރު ބަލީގައި އުމުރުން 82 އަހަރުގައި ޕެލޭ މަރުވީ މިދިޔަ އަހަރުއެވެ.