ރައްޔިތުންގެ މަޖިލީހުގެ މެމްބަރުކަމާއި ޚާއްސަ މަޖިލީހުގެ މެމްބަރުކަން ކުރެއްވި ނިޒާމް އެމްޑީޕީއަށް
4 ސެޕްޓެމްބަރު 2023 | ހޯމަ 18:04ނިޒާމް އެމްޑީޕީއާ ގުޅިވަޑައިގަތުމަށް ބޭއްވި ރަސްމިއްޔާތުގައި ނިޒާމްގެ ފޯމާ ހަވާލުވެވަޑައިގަތީ އެމްޑީޕީގެ ޗެއަރޕަރސަން ފައްޔާޒު އިސްމާއީލް
ރައްޔިތުންގެ މަޖިލީހުގެ މެމްބަރުކަމާއި ޚާއްސަ މަޖިލީހުގެ މެމްބަރުކަން ކުރެއްވި ނިޒާމް އެމްޑީޕީއަށް
ރައްޔިތުންގެ މަޖިލީހުގެ ކުރީގެ މެމްބަރު އަޙްމަދު ނިޒާމް (ކެލާ ނިޒާމް) އެމްޑީޕީއަށް ސޮއިކުރައްވައިފިއެވެ.
އޭނާ މީގެ ކުރިން ހުންނެވީ އިދިކޮޅު އެންމެ ބޮޑު ޕާޓީ ޕީޕީއެމްގައެވެ.
ނާޒިމް އެމްޑީޕީއަށް ސޮއިކުރެއްވީ ހޯމަ ދުވަހުއެވެ.
ނިޒާމް އެމްޑީޕީއާ ގުޅިވަޑައިގަތުމުގެ ގޮތުން ބޭއްވި ރަސްމިއްޔާތުގައި ނިޒާމްގެ ފޯމާއި ހަވާލުވެވަޑައިގަތީ އެމްޑީޕީގެ ޗެއަރޕަރސަން ފައްޔާޒު އިސްމާއީލެވެ.
ނިޒާމް ރައްޔިތުންގެ ޚާއްސަ މަޖިލީހުގައިވެސް މެންބަރުކަން ކުރެއްވިއެވެ. އޭނާއާއެކު ކެލާގެ ޚިދުމަތްތެރިންނާއި ބައެއް ޒުވާނުން އެމްޑީޕީއަށް ސޮއިކޮށްފައި ވާކަމަށް އެ ޕާޓީން ވަނީ ބުނެފައެވެ.
ރިޔާސީ އިންތިޚާބަށް ވަމުންދާ ތައްޔާރީތަކާއެކު އެމްޑީޕީއަށް މެމްބަރުން އިތުރުކުރުމުގެ މަސައްކަތް އެ ޕާޓީން ދަނީ ކުރަމުންނެވެ.
