މުއިއްޒުގެ ކެމްޕެއިނަށް އަދާލަތު ޕާޓީގެ ކުލަ ބޭނުންކުރާތީ އެ ޕާޓީން އެކަން ކުށްވެރިކޮށްފި
އަދާލަތުން ވަނީ ކުރިއަށް އޮތް ރިޔާސީ އިންތިޚާބަށް އެމްޑީޕީ އާއެކު ކޯލިޝަން ހަދާފައި
އަދާލަތު ޕާޓީގެ ތަރުޖަމާނު އަދި ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރު
އިދިކޮޅު ޕީއެންސީ/ޕީޕީއެމްގެ ކެންޑިޑޭޓް ޑރ. މުހައްމަދު މުއިއްޒުގެ ކެމްޕެއިނަށް އަދާލަތު ޕާޓީގެ ކުލަ ބޭނުންކުރާތީ އެ ޕާޓީން އެކަން ކުށްވެރިކޮށްފި އެވެ.
އެކަމާއި ގުޅޭގޮތުން އަދާލަތު ޕާޓީގެ ތަރުޖަމާނު އަދި ހޯމް މިނިސްޓްރީގެ ސްޓޭޓް މިނިސްޓަރު ޢަލީ ނަޒީރު ވިދާޅުވީ ޕީއެންސީގެ ކެންޑިޑޭޓް ޑރ މުއިއްޒުގެ ކެމްޕޭނުގައި ޢަދާލަތު ޕާޓީގެ ކުލަ ބޭނުންކުރާކަން ފާހަގަކުރެވިފައިވާ ކަމަށެވެ. އެކަން ހަރުކަށި އިބާރާތުން ކުށްވެރިކުރައްވާ އޭނާ ވިދާޅުވީ މިކަމަކީ އިންތިޚާބާ ބެހޭ އާންމު ޤާނޫނުގެ ދަށުން މަނާކަމެއްކަމަށެވެ.
އެހެންކަމުން މިކަން ހުއްޓުވުމަށް އިލެކްޝަންސް ކޮމިޝަނަށް ވެސް އޭނާ ވަނީ ގޮވާލައްވާފައެވެ.
ޢަލީ ނަޒީރު އެފަދައިން ވިދާޅުވެފައި މި ވަނީ މުއިއްޒަށް މަރުހަބާ ދެންނެވުމަށް ފެހި ޓީޝާޓުގައި ފުވައްމުލަކުން ބަޔަކު ނުކުމެފައި ވަނިކޮށެވެ.
އަދާލަތުން ވަނީ ކުރިއަށް އޮތް ރިޔާސީ އިންތިޚާބަށް އެމްޑީޕީ އާއެކު ކޯލިޝަން ހަދާފައެވެ.
