މެމްބަރު ޝިޔާން އަނބުރާ އެމްޑީޕީ އަށް
ޝިޔާން އެމްޑީޕީން ވަކިވުމަށް ފަހު، މީގެ ކުރިން މަސައްކަތް ކުރެއްވީ ކުރީގެ ރައީސް މުހައްމަދު ނަޝީދުގެ ފިކުރެއްގެ ދިރުމުގަ
ތޮއްޑޫ ދާއިރާގެ މެންބަރު ހަސަން ޝިޔާން އެމްޑީޕީ އާއި އަލުން ގުޅިވަޑައިގެންފި
ރައްޔިތުންގެ މަޖިލީހުގެ ތޮއްޑޫ ދާއިރާގެ މެންބަރު ހަސަން ޝިޔާން އެމްޑީޕީ އާއި އަލުން ގުޅިވަޑައިގެންފިއެވެ.
ޝިޔާން ތޮއްޑޫ ދާއިރާގެ މެމްބަރުކަމަށް އިންތިޚާބުވެވަޑައިގަތީ ވެސް އެމްޑީޕީގެ ޓިކެޓުގައެވެ.
އޭނާ އެމްޑީޕީން މީގެ ކުރިން ވަކިވެޑައިގަތީ މޭ މަހުގެ މެދެއްހާ ހިސާބުގައެވެ. އޭރު ޝިޔާން މަސައްކަތް ކުރެއްވީ ކުރީގެ ރައީސް މުހައްމަދު ނަޝީދުގެ ފިކުރެއްގެ ދިރުމުގައެވެ. އެއީ އެމްޑީޕީގެ ރިޔާސީ ޓިކެޓް ހޯދުމަށް ނަޝީދު ކުރެއްވި މަސައްކަތް ނާކާމިޔާބުވުމުން "ފިކުރެއްގެ ދިރުމުގެ ނަމުގައި" އެކުލަވާލެއްވި ފެކްޝަންއެކެވެ.
ޝިޔާން އަލުން އެމްޑީޕީ އާއި ގުޅިވަޑައިގަތީ ހުކުރު ދުވަހުގެ ހަވީރެވެ.
އޭނާ އަށް އެމްޑީޕީގެ ޗެއަރޕަރސަން އަދި އިކޮނޮމިކް މިނިސްޓަރ ފައްޔާޒް އިސްމާއިލް ވަނީ މަރުޚަބާ ދަންނަވާފައެވެ. އަދި އޭނާ މިހާރު އެ ވަޑައިގެންނެވީ އަލުން އޭނާގެ އަސްލު ޕާޓީ އަށް ކަމަށް ސިފަކުރައްވާ ފައްޔާޒް ވަނީ އޭނާ އަސްލަށް ރުޖޫއަވުމުން އުފާކުރަައްވާ ކަމަށް ވެސް ވިދާޅުވެފައެވެ.
