ކެންދޫގައި މިސްކިތް ބިނާ ކުރުމަށް ބަޔަކާ ހަވާލުކޮށްފި
މި މަޝްރޫއު ހަވާލު ކުރީ ފާސްޓްލައިން ޕްރައިވެޓް ލިމިޓެޑާ
ކެންދޫގައި ބިނާ ކުރާ މިސްކިތުގެ ކުރެހުމެއް
ބ. ކެންދޫގައި ޒަމާނީ ފެންވަރުގެ މިސްކިތެއް ބިނާ ކުރުމަށް ބަޔަކާ ހަވާލުކޮށްފިއެވެ.
ސަރުކާރުން މި މަޝްރޫއު ހަވާލު ކުރީ ފާސްޓްލައިން ޕްރައިވެޓް ލިމިޓެޑާއެވެ. މި އެއްބަސްވުމުގައި އިސްލާމިކް މިނިސްޓްރީގެ ފަރާތުން ސޮއިކުރެއްވީ މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީއެވެ.
ފާސްޓްލައިން ޕްރައިވެޓް ލިމިޓެޑާއިއެކު ވެފައިވާ މި އެއްބަސްވުމުގެ ދަށުން 500 މީހުންގެ ޖާގައިގެ މިސްކިތެއް ބިނާ ކުރާނެއެވެ. މި މަސައްކަތް ނިންމުމަށް އެ ކުންފުންޏަށް ދީފައިވަނީ 365 ދުވަހުގެ މުއްދަތެކެވެ.
މިއީ ސަރުކާރުގެ ޕީއެސްއައިޕީ ބަޖެޓުން ކުރިއަށްގެންދާ މަޝްރޫއެކެވެ. މި މަޝްރޫއަށް 15,424,823.52 (ފަނަރަ މިލިއަން ހަތަރު ލައްކަ، ސައުވީސް ހާސް އަށްސަތޭކަ ތޭވީސް ރުފިޔާ ފަންސާސް ދެ ލާރި) ޚަރަދުވާނެއެވެ.
މިއީ ދެ ޖިންސުގެ ފަރާތްތަކަށް ވެސް ނަމާދުކުރެވޭ ގޮތަށް ބިނާކުރެވޭ މިސްކިތެއް ކަމަށް އިސްލާމިކް މިނިސްޓްރީން މައުލޫމާތުދެއެވެ.
