މާވަށުގައި 25 ޓަނުގެ އައިސް ޕްލާންޓެއް އެޅުމަށް ފެނަކައާ ހަވާލުކޮށްފި
15 އޯގަސްޓު 2023 | އަންގާރަ 15:1225 ޓަނުގެ އައިސް ޕްލާންޓަކާއި 50 ޓަނުގެ ކޯލްޑު ސްޓޯރޭޖު ގާއިމުކުރާނެ
މާވަށުގައި އައިސް ޕްލާންޓް އެޅުމަށް ފެނަކާއެކު އެއްބަސްވުމުގައި ސޮއިކުރުން
ލ. މާވަށުގައި ދިވެހި ސަރުކާރުގެ ޚަރަދުގައި 25 ޓަނުގެ އައިސް ޕްލާންޓެއް ގާއިމުކުރުމުގެ މަސައްކަތުގެ އެއްބަސްވުމުގައި ފިޝަރީޒް މިނިސްޓްރީއާއި ފެނަކަ ކޯޕަރޭޝަނާ ދެމެދު އެއްބަސްވުމުގައި ސޮއިކޮށްފިއެވެ.
ފިޝަރީޒް މިނިސްޓްރީން ބުނީ ފެނަކައާ ހަވާލުކުރީ 25 ޓަނުގެ އައިސް ޕްލާންޓެއް ހެދުމުގެ އިތުރުން 50 ޓަނުގެ ކޯލްޑު ސްޓޯރޭޖު ގާއިމުކުރުމަށް ކަމަށެވެ.
މި އެއްބަސްވުމުގައި ފިޝަރީޒް މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. ހުސައިން ރަޝީދު ހަސަނެވެ. އަދި ފެނަކައިގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ސައީދު މުހައްމަދެވެ. މިމަސައްކަތް ފެނަކައާ ހަވާލުކޮށްފައިވަނީ 6 މަސް ދުވަހުގެ ތެރޭގައި ނިންމާގޮތަށެވެ.
ލ. މާބައިދޫގައިވެސް 25 ޓަނުގެ އައިސްޕްލާންޓަކާއި 50 ޓަނުގެ ކޯލްޑު ސްޓޯރޭޖް ގާއިމްކުރުމަށް ފެބްރުއަރީ މަހުގެ ތެރޭގައި ވަނީ ފެނަކައާ ހަވާލުކޮށްފައެވެ.
