ކެޕާ ނައީ ސްޕޭންގައި ކުޅެންވެގެން: ބަޔާން މިއުނިކް
14 އޯގަސްޓު 2023 | ހޯމަ 08:26ރެއާލްއިން ފުރުސަތު ލިބުމާއެކު ބަޔާންއާ ވާހަކަ ދެއްކުން ހުއްޓާލުމަށް ކެޕާ ޗެލްސީއަށް އެންގި
ކެޕާ އަރިއްޒަބަލާގާ
އިނގިރޭސިވިލާތުގެ ޗެލްސީގެ ކީޕަރު ކެޕާ އަރިޒަބަލަގާ ޖަރުމަނުގެ ބަޔާން މިއުނިކަށް ނުދިޔައީ ސްޕޭން ކުޅެން ފުރުސަތު ލިބުމުން ކަމަށް ބަޔާންއިން ބުނެފި އެވެ.
އެކުލަބުން ބުނީ މިއަދަކީ ބަޔާންގެ ކުޅުންތެރިއެއްގެ ގޮތުގައި ކެޕާ ދައްކާލަން ހަމަޖެހިފައި އޮތް ދުވަސް ކަމަށެވެ. އަދި ދެ ފަރާތުން ވާހަކަ ދައްކައި ހުރިހާ ކަމެއް ހަމަޖެހިފައިވަނިކޮށް ކެޕާ ނައީ އޭނާގެ އުފަން ގައުމުގައި ކުޅެން ފުރުސަތު ލިބުމުން ކަމަށެވެ.
ކެޕާ ބަދަލުވާން މަސައްކަތް ކުރަނީ ސްޕޭނުގެ ރެއާލް މެޑްރިޑަށެވެ. އޭނާ ވަނީ ރެއާލްއިން ފުރުސަތު ލިބުމާއެކު ބަޔާންއާ ވާހަކަ ދެއްކުން ހުއްޓާލުމަށް ޗެލްސީއަށް އަންގައިފަ އެވެ.
ދުނިޔޭގެ އެންމެ އަގުބޮޑު ކީޕަރުގެ ގޮތުގައި ޗެލްސީ އަށް ބަދަލުވި ނަމަވެސް ފާއިތުވެދިޔަ ދެ އަހަރު ކެޕާ އަށް ޗެލްސީގެ 11ގައި ކުޅެން ލިބުނީ މަދު ފުރުސަތެކެވެ.
ރެއާލް މެޑްރިޑުން އޭނާ ގެންދަން މަސައްކަތް ފެށީ އެކުލަބުގެ އެއްވަނަ ކީޕަރު ތިބައޫ ކޯޓުއާ އަށް އަނިޔާވެ ސީޒަނުގައި ބޮޑުބައެއްގައި ނުކުޅެވޭނެކަން ޔަގީންވުމުންނެވެ.
