ބިންހެލުމަށް 6 މަސް: އިމާރާތަކަށް ވަންނަން ނުކެރި، މުޅި ދިރިއުޅުން ޓެންޓެއްގައި

ސޫރިޔާއާއި ތުރުކީވިލާތް ހިއްސާކުރާ ބޯޑަރު ސަރަހައްދަށް ވަރުގަދަ ބިންހެލުމެއް އައިސް، އެތައް ބައެއްގެ ފުރާނަ ގެއްލި، އެއަށްވުރެ ގިނަ ބައެއްގެ ދިރިއުޅުން އެފުށް މިފުށަށް ޖެހުނީ މީގެ 6 މަސްދުވަސް ކުރިންނެވެ. ބިންހެލުމުގެ ކާރިސާގައި ފުރާނަ ސަލާމަތްވި އެކަކީ ޖުމާ ބިއާޒީދުއެވެ. އޭނާގެ ދަރިފުޅު، އިބްރާހީމާނުލައި ދިރިއުޅުން ކުރިއަށް ގެންދާނެ ގޮތެއް، އޭނާގެ ޚިޔާލަކަށް ނުގެނެވެއެވެ.

އިބްރާހީމަކީ ބިންހެލުމުގެ ކާރިސާގައި، ޖުމާގެ 4 މެންބަރުންގެ އާއިލާއިން ސަލާމަތްވި ހަމައެކަނި ކުއްޖަކީ އިބްރާހީމެވެ. ޖުމާގެ އަންހެނުންނާއި އަނެއް 2 ދަރިން މަރުވެދިޔައީ އެ ކާރިސާގެ ތެރޭގައެވެ.

ސޫރިޔާގެ އަޒާޒް ސިޓީގެ މައިދާނީ ހޮސްޕިޓަލެއްގައި އިބްރާހީމާ އަލުން ބައްދަލުވުމުގެ ކުރިން، ޚުދު ޖުމާވެސް ވަނީ ވެއްޓިފައިވާ އިމާރާތްތަކުގެ ދަށުގައި 4 ދުވަސް ހޭދަކޮށްފައެވެ.

ބިންހެލުމުގެ ކާރިސާގައި އެންމެ ބޮޑަށް ގެއްލުންވި ސިޓީތަކުގެ ތެރޭގައި ހިމެނޭ ޖަންދާރީސްގެ އެންމެންގެ ހާލަކީވެސް މިއީ ކަމުގައި ދެންނެވުމަކުން ގޯހެއް ނެތެވެ.

އެފަދަ އެކަކީ އަހުމަދު މޫސާ އަހުމަދުއެވެ. އާންމުކޮށް ހަދާފައި މި ހުންނަ ފަދަ އިމާރާތެއްގައި ދިރިއުޅެން އަދިވެސް އަހުމަދު ބިރުގަނެއެވެ. އޭނާގެ 9 ދަރިންނާއެކު އަހުމަދު މިއަދުވެސް ދިރިއުޅެމުންދަނީ އޭނާގެ ދަނޑުގައި ޓެންޓު ޖަހައިގެންނެވެ.

ހުކުރު ދުވަހުގެ ފަތިހުގެ ވަގުތުގައި، ހުޅަނގުއުތުރު ސޫރިޔާއާއި ދެކުނު ތުރުކީވިލާތް ހިއްސާކުރާ ބޯޑަރު ސަރަހައްދަށް އައި ބާރުގަދަ ބިންހެލުމުގައި މަރުވި މީހުންގެ އަދަދު ވަނީ 21000ށް އަރާފައެވެ. އެތައް ލައްކަ ބައެއްގެ ގެދޮރު ވަނީ ގެއްލިފައެވެ. ކާބޯތަކެތީގެ ދަތިކަން ކުރިމަތިވެފައި ވަނީ އޭގެ އެންމެ އިންތިހާއަށެވެ.