ސިޔާމު ވިދާޅުވީ ރައްޔިތުން ބޭނުންވާފަދަ އަމާން ސާފު ސުލްހަވެރި ރާއްޖެއެއް ގެނެސްދެވޭނީ ރައީސް ޞާލިހަށް ކަމަށް
އެމްޑީއޭގެ ލީޑަރ އަހުމަދު ސިޔާމް މުހައްމަދު
ކުރިޔަށް އޮތް ރިޔާސީ އިންތިޚާބަށް 8 ބޭފުޅުން ކުރިމަތިލައްވާފައިވާއިރު ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަކީ ޓެސްޓްކޮށް، އެޓެސްޓުން ފާސްވެފައިވާ ޕްރޮޑަކްޓެއްކަމަށް އެމްޑީއޭގެ ލީޑަރ އަހުމަދު ސިޔާމް މުހައްމަދު ވިދާޅުވެއްޖެއެވެ.
ދ ކުޑަހުވަދޫގައި ކުރިޔަށްދިޔަ އުފާވެރި އަމާން ރާއްޖެ ޖަލްސާގައި ވާހަކަދައްކަވަމުން ސިޔާމު ވިދާޅުވީ ރައްޔިތުން ބޭނުންވާފަދަ އަމާން ސާފު ސުލްހަވެރި ރާއްޖެއެއް ގެނެސްދެވޭނީ ރައީސް ޞާލިހަށްކަމަށެވެ.
ފާއިތުވި ދުވަސްތަކުގައި ރައްޔިތުންގެ ހައްގުގައި މަސައްކަތްކުރައްވަމުން ގެންދެވިއިރު ކޮންމެ ވެރިކަމެއްގައިވެސް ބޭނުންވާ ކަންކަން ރައީސުން އަރިހު ދަންނަވާކަމަށެވެ. ނަމަވެސް ރައްޔިތުން ބޭނުންވާ އެއް އިންސައްތައަށްވެސް ކަންކަން ސަރުކާރުތަކަށް ނުކޮށްދެވޭކަމަށް ސިޔާމް ވިދާޅުވިއެވެ.
ސިޔާމް ވިދާޅުވީ ރައްޔިތުންގެ ހައްގުގައި ކުރަންޖެހުނު ކޮންމެ ކަމެއް ރައީސް ޞާލިހު ކޮށްދެއްވާނެކަމަށެވެ. އެހެންކަމުން ރައީސް ޞާލިހަށް ދެވަނަ ދައުރެއް ދޭންޖެހޭކަމަށް ވިދާޅުވިއެވެ.
