ބްރައިޓަން ދޫކޮށް ކީޕަރު ސަންޗޭޒް ޗެލްސީ އަށް

ބްރައިޓަން އަށް ކުޅެމުން އައި ސްޕެއިންގެ ގޯލް ކީޕަރު ރޮބާޓް ސަންޗޭޒް އެކުލަބު ދޫކޮށް، ޗެލްސީ އަށް ބަދަލުވެއްޖެ އެވެ.

ބްރައިޓަން ދޫކޮށް އޭނާ ޗެލްސީ އަށް ބަދަލުވީ އެއްބަސްވުމުގައި ބާކީ ދެ އަހަރު އޮއްވަ އެވެ. އޭނާ ހޯދުމަށް ޗެލްސީން ވަނީ ޖުމުލަ 25 މިލިއަން ޕައުންޑު ހޭދަކޮށްފަ އެވެ. ޗެލްސީ އާއެކު ސަންޗޭޒް ސޮއި ކޮށްފައި ވަނީ ހަތް އަހަރު ދުވަހުގެ އެއްބަސްވުމެއްގަ އެވެ. އެ އެއްބަސްވުމުގެ މުއްދަތު ހަމަވާނީ 2030 ވަނަ އަހަރުގެ ޖޫން މަހުގެ ނިޔަލަށެވެ. ޗެލްސީގެ އެއްބަސްވުމުގައި ސަންޗޭޒް ރަސްމީކޮށް ސޮއި ކޮށްފައިވާއިރު، ކުލަބުގެ ކުޅުންތެރިޔެއްގެ ގޮތުގައި އޭނާ ދައްކާލުން ވެސް އޮންނާނެ އެވެ.

ބްރައިޓަން އިން 2018 ވަނަ އަހަރު ސީނިއާ ކެރިއަރު ފެށި ސަންޗޭޒް ވަނީ ލޯނު އެއްބަސްވުމެއްގެ ދަށުން ދެ ކުލަބަކަށް ކުޅެފަ އެވެ. ލޯނު އެއްބަސްވުމުގެ ދަށުން އޭނާ އެންމެ ފަހުން ކުޅުނީ ރޮޗްޑޭލް އަށެވެ. އޭގެ ކުރިން އޭނާ ވަނީ ލޯނު އެއްބަސްވުމެެއްގެ ދަށުން ފޮރެސްޓް ގްރީން ރޮވާސް އަށް ވެސް ކުޅެފަ އެވެ. ލޯނު އެއްބަސްވުމެެއްގެ ދަށުން ކުޅުމަށްފަހު އޭނާ އެނބުރި ޗެލްސީ އަށް އައީ 2022 ވަނަ އަހަރު އެވެ. އޭނާ ވަނީ ޖުމުލަ 90 މެޗެއްގައި ބްރައިޓަންގެ ގޯލު ބަލަހައްޓައިފަ އެވެ. ސްޕެއިންގެ ޤައުމީ ޓީމުން އޭނާ އަށް ޖާގަ ލިބުނީ 2021 ވަނަ އަހަތު އެވެ.

އޭނާ ޗެލްސީ އަށް ބަދަލުވީއިރު، ޖަރުމަނު ލީގުގެ ބައެއް ކުލަބުތަކުން ވެސް އޭނާ ހޯދުމުގެ ޝައުޤުވެރިކަން ފާޅުކޮށް، މަސައްކަތް ކޮށްފައިވާ ކަމަށް ރިޕޯޓުތައް ބުނެ އެވެ.