ބޭންކް އޮފް މޯލްޑިވްސްއިން ގެދޮރު ގަތުމަށާއި، ފައިނޭންސް ކުރުމަށް ނަގާ ލޯނާއި އިސްލާމިކް ފައިނޭންސް އަނބުރާ ދެއްކުމުގެ މުއްދަތު އިތުރުކޮށްފިއެވެ.
ބީއެމްއެލުން ވަނީ ލޯންތައް އަނބުރާ ދެއްކުމަށް 25 އަހަރުގެ މުއްދަތެއް ދީފައެވެ. އަދި އަނބުރާ ދައްކަން ފެށުމުގެ ކުރިން ލިބޭ ގްރޭސް ޕީރިއަޑްގެ މުއްދަތު 24 މަހަށް އިތުރުކޮށްދީފައެވެ.
މީގެ ކުރިން އެ ލޯންތައް އަނބުރާ ދައްކަން ލިބެނީ 20 އަހަރެވެ. އަދި, ގްރޭސް ޕީރިއަޑްގެ ގޮތުގައި ލިބެނީ 18 މަސްދުވަހެވެ.
ބީއެމްލްގެ ހޯމް ޕާޗޭސިން ލޯން އަދި އިސްލާމިކް ވިންޑޯގެ ހޯމް ޕަރޗޭސިން ފައިނޭންސިންގ ދެނީ 20 ޕަސެންޓުގެ އިކުއިޓީއަކާއި، 9 ޕަސެންޓުގެ ރޭޓެއްގައެވެ. އަލަށް ގެއެއް ގަންނަ މީހުންނަށާއި، އިތުރު ތަނެއް ގަންނަން ބޭނުންވާ ގެދޮރުވެރީންނަށްވެސް އެ ޚިދުމަތް ބޭންކުން ދެއެވެ.
