ނޭޝަނަލް ޑްރަގް އެޖެންސީ (އެންޑީއޭ) ރީބްރޭންޑްކޮށްފި

ނޭޝަނަލް ޑްރަގް އެޖެންސީ (އެންޑީއޭ) ރީބްރޭންޑްކޮށްފިއެވެ.

އެންޑީއޭ ރީބްރޭންޑްކޮށްފައިވަނީ ބައިނަލްއަގުވާމީ، މަސްތުވާތަކެއްޗާ ދެކޮޅަށް މަސައްކަތްކުރާ ދުވަސް ފާހަގަކުރުމަށް ހޯމަ ދުވަހު ބޭއްވި ރަސްމީ ޖަލްސާގައެވެ.

އެންޑީއޭ ރީބްރޭންޑްކޮށްދެއްވީ ހެލްތު މިނިސްޓަރ އަހުމަދު ނަސީމެވެ. އެމަނިކުފާނުގެ އަރިގައި އެމްޑީއޭގެ ސީއީއޯއާއި ބޯޑު މެމްބަރުން ބައިވެރިވެވަޑައިގެންނެވިއެވެ.

އެންޑީއޭ ރީބްރޭންޑްކުރުމާއެކު، އެންޑީއޭގެ ވެހިކަލާއި ޔުނިފޯމް ފަދަ ތަކެތިވެސް އާ ބްރޭންޑިންގއާ އެއްގޮތަށް ވަނީ ބަދަލުކޮށްފައެވެ. އަދި ހޯމަ ދުވަހުގެ ޖަލްސާގައި އެންޑީއޭގެ އާ ލޯގޯ ވަނީ ދައްކާލާފައެވެ.

ހޯމަ ދުވަހުގެ ރޭގެ ޖަލްސާގައި އެންޑީއޭގެ ދިރާސާތައް އާއްމުކުރުމާއި އެންޑީއޭގެ މަސައްކަތްތައް ކުރިއާ މިހާރާ ހުރި ތަފާތުތަކަށް ވަނީ އަލިއަޅުވާލާފައެވެ.

އެންޑީއޭއިން ވަނީ އެންޓި ޑްރަގް ޑޭ ފާހަގަކުރުމަށް ގިނަ ހަރަކާތްތަކެއް ހިންގާފައެވެ.