ސިޔާސީ ނުފޫޒްގައި އެންޑީއޭ ޕެރަލައިޒްވަނީ: ފަންނީ މީހުންގެ ބަހެއް ނުވިކޭ!

ނޭޝަނަލް ޑްރަގް އޭޖެންސީ (އެންޑީއޭ) އަކީ އެތަނެއްގެ މުސްތަގިއްލުކަމާއި ސިޔާސަތު އެންމެ ހަރުދަނާ ވާން ޖެހޭ އެއްތަނެވެ. އެ ތަނުން ކުރިމަތިލަމުން ދަނީ ހައްސާސް މައްސަލައަކާއެވެ. އެއީ މަސްތުވާތަކެތި ބޭނުން ކުރާ މީހުންނަށް ފަރުވާ ދިނުމުގެ ބުރަ ޒިންމާ އާއި ހަވާލުވެ ތިބި ފަރާތެވެ. ކަން މިހެން އޮތް އިރު މި މަސައްކަތަކީ ފަންނީ އޭގެ ޒާތުގައި ފަންނީ މީހުންގެ ޒިންމާ ބޮޑު، ބުރަ މަސައްކަތެކެވެ.

އެހެންނަމަވެސް މިއަދު އެންޑީއޭގެ ހާލު އޮތީ ސަހަނރޯ ހީވާހާ ދަށު ދަރަޖައެއްގައެވެ. މުޅި ތަނުގައި އެއް ވާނަކަށް އޮތީ ސިޔާސީ ނުފޫޒެވެ. ސިޔާސީ މީހުން ބަރިބަރި އަށް އެކިވަރުވަރުން އެތަނުގައި ތިއްބެވި އިރު، ތިތާމައަކީ ތަނުގެ އަސާސީ ކަންކަން ހިނގާ ނުހިނގާ ގޮތް ވެސް މި ބުނާ ސިޔާސީ މީހުންނަށް އެނގޭވަރެއް ނުވުމެވެ. މަސްތުވާތަކެތި ބޭނުންކުރާ މީހުންނަށް ފަރުވާ ދިނުމުގެ އެންމެ އަސާސީ މައުލޫމާތު ވެސް ނޭނގޭ ވެރިން ދިރުނބާކޮޅަށް ލައިގެން ތަންހިންގީމަ ދެން އެތަނުގެ ދުވެލި ރަނގަޅުވާނީ ކޮން ހަމައަކުންތޯއެވެ؟

ތަނުގެ ކަންކަން ހިނގަނީ އަދި އަމުދުން ކަމުދާ މޭރުމަކުން ނޫނެވެ. ފަންނީ މީހުންގެ ބަހެއް ނުހޯދާ ތަނުގައި ގާނޫނަކަށް ޤަވާއިދަކަށް ބެލުމެއް ނެތި ތަނުގެ އެންޑީއޭގެ ޗެއަރމަން މުވައްޒަފުންނަށް ނުފޫޒު ފޯރުވާކަމީ އެ މުވައްޒަފުންގެ މަައްކަތަށް އެޅޭ އެންމެ ބޮޑު ހުރަހެވެ. ބޯޑުން އެޕްރޫވް ކުރުމަކާ ނުލާ މުޅި ތަނުގެ އޮަޕަރޭޝަނަށް ބުރުއަރާ ގޮތަށް ތަޖުރިބާ ނެތް މުވައްޒަފުންލައްވާ މަސައްކަތް ކުރުވަމުންދާ އިރު ފަރުވާލެއް ނެތެވެ. ރުހޭ މަދު ބަޔަކާއި އެކު މުޅި އިދާރާގެ ހިންގުން ކުރިއަށް ގެންދާ އިރު އިދާރާގެ މަސައްކަތްތައް ކުރިއަށް ނުގޮސް، އިދާރާ އޮތީ ޕެރަލައިޒްވެފަ އޭ ބުނުން ދޮގަކަށް ނުވާނެއެވެ.

މިއީ އެކަމަކު އެންޑީއޭގެ އެކަނި ހާލެއް ނޫނެވެ. މިތަނުގައި ވެސް ދައްކަން މިޖެހެނީ އާ ވާހަކަ އެއް ނޫނެވެ. އުސޫލަށް ބޯ ނުލަނބާ ވާހަކައެވެ. ޤަވާއިދަށް ނުބަލާ ވާހަކައެވެ. ސިޔާސަތެއް ތަންފީޒު ނުވާ ވާހަކައެވެ. ގިނަ މުވައްޒަފުން ބުނާގޮތުންފަހަކަށް އައިސް އެންޑީއޭ ވެސް ހިންގަމުން ދަނީ ބޯޑުގެ ޗެއާޕާސަންގެ ސިޔާސީ ނުފޫޒާއި ކޮންޓްރޯލް ވީހާވެސް ބޮޑުވާނެ ގޮތަށެވެ. އެކަމަކު އެންޑީއޭއަކީ އެހެން އިދާރާތަކާއި ޚިލާފަށް މުޅި މުޖުތަމައުގެ ހައްގުގައި ބޮޑު ޒިންމާއެއް އުފުލަން ޖެހޭ އިދާރާއެކެވެ. އެހެންނަމަވެސް އެންޑީއޭ އިން ފަންނީ ސިފަ އަށް ވުރެ ބޮޑަށް ސިޔާސީ ފެނޑާއެއެއްގެ އެއް ބަރިއާއެވެ.

ކޮންމެއަކަސް މި ކުލަވަރު ބޮޑުގެ ތަނުގެ ތަޖުރިބާ ހުރި މުވައްޒަފުން މިއަދު ތިބީ މާޔޫސްވެފައެވެ. ބަސް ނުވިކޭ އޮޑީގެ ދިރުނބާކޮޅަށް އަރަން ބޭނުން ނުވެފައެވެ. މި ހުރިހާ ކަމެއް ހިނގާ އިރު ތަނުގެ ބެލެނިވެރި ފަރާތަށް ކަމެއް ވާހެން ވެސް ހީނުވެއެވެ. އެންޑީއޭ އަކީ ހޯމް މިނިސްޓްރީގެ ޒިންމާގެ ދަށުގައި އޮތްތަނެއްކަން ދެނަހުރި ވެރިއަކު އެތަނުގައި ހުރިހެނެއްް ހިއެއް ނުވެއެވެ. ނުވަތަ ސިޔާސީ މެޑަލް ޖެހޭ ކަމަކަށް ނުވާތީ އެކަމަށް މާބޮޑު ފަރުވާލެއް ނެތީ ކަމަށް ވެސް ވެދާނެއެވެ.