މި ޤައުމާއި ރައްޔިތުންނަށް އެންމެ މަސްލަހަތު އޮތް ގޮތަކީ ރައީސް ޔާމީނާއެކު ކުރިއަށް ދިއުން: އަބްދުއްރަހީމް
16 ޖުލައި 2017 | އާދީއްތަ 02:24ރައީސް އަބްދުﷲ ޔާމީންއާއި އެކީ މަސައްކަތްކުރަން ލިބުމަކީ ވަރަށް ބޮޑު ޝަރަފެއް
މެންބަރު އަބްދުއްރަހީމް އަބްދުﷲ
މި ޤައުމާއި ރައްޔިތުންނަށް އެންމެ މަސްލަހަތު އޮތް ގޮތަކީ ރައީސް ޔާމީނާއެކު ކުރިއަށް ދިއުންކަމަށް ޕީޕީއެމްގެ ނައިބު ލީޑަރު އަބްދުއްރަހީމް އަބްދުﷲ ވިދާޅުވެއްޖެ އެވެ.
އަބްދުއްރަހީމް ކުރެއްވި ޓްވީޓެއްގައި ވިދާޅޫވެފައި ވަނީ ރައްޔިތުން އެދެނީ ކުރިއެރުމާއި ތަރައްޤީކަމަށެވެ.
ރައީސް އަބްދުﷲ ޔާމީންއާއި އެކީ މަސައްކަތްކުރަން ލިބުމަކީ ވަރަށް ބޮޑު ޝަރަފެއްކަމަށާއި މިހާތަނަށް ދިވެހި ޤައުމު ދުށް އެންމެ އޯގާތެރި ވެރިޔަކީ ރައީސް ޔާމީން ކަމަށްވެސް އަބްދުއްރަހީމް ވިދާޅުވިއެވެ.
ރައްޔިތުންގެ މަޖިލީހުގެ މެމްބަރުންގެ ގޮނޑި ގެއްލޭ ގޮތަށް ސުޕްރީމް ކޯޓަށް ހުށަހަޅާފައިވާ މައްސަލައާ އެކު، ޕީޕީއެމް ޕާލިމެންޓްރީ ގުރޫޕުގެ މެމްބަރުންގެ ގޮނޑި ގެއްލުނުކަމުގައިވީ ނަމަވެސް އެކަމުގައި އެއްވެސް މައްސަލައެއް ނެތް ކަމަށް އަބްދުއްރަހީމް ވަނީ ކުރިން ވިދާޅުވެފައެވެ. ނަމަވެސް ފަހުން އޭނާ ވަނީ އެ މައްސަލައަށް ތާއިދުކޮށްފަ އެވެ.
