ފިރިކަލުންނާއެކު ގަވަރުނަރު އެމެރިކާއަށް
އަޒީމާ ވަޑައިގަތީ ޗުއްޓީއެއްގައި:އެމްއެމްއޭ
މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަޒީމާ އާދަމް
މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަޒީމާ އާދަމް ފިރިކަލުންނާއެކު އެމެރިކާއަށް ވަޑައިގެންފި އެވެ.
އެމްއެމްއޭގެ ގަވަރުނަރުކަމުން އަޒީމާ އިސްތިއުފާދެއްވަން އުޅުއްވާ ކަމަށް އަޑުތައް ވެސް ފެތުރިފައި ވަނިކޮށް، އަޒިމާ ހުކުރު ދުވަހުގެ ރޭ އެމެރިކާއަށް ފުރާވަޑައިގަތީ އޭނާގެ ފިރިކަލުން، އދ. އަށް އަލަށް ކަނޑައެޅުއްވި ދާއިމީ މަންދޫބު އަދި އެމެރިކާ އާއި ކެނެޑާއަށް ކަނޑައަޅައި ސަފީރު ޑރ. އަލީ ނަސީރުއާއެކު އެވެ.
އާޒިމާއިގެ ފިރިކަލުން ކުރިން އަދާކުރައްވާފައި ވަނީ ފޮރިން ސެކެރެޓްރީގެ މަގާމެއެވެ.
އެމެއެމްއޭގެ ތަރުޖަމާނު މަންސޫރު ޒުބައިރު ވިދާޅުވީ ގަވަރުނަރު ރާއްޖޭން ބޭރަށް ފުރައިވަޑައިގަތީ ޗުއްޓީއެއްގައި ކަމަށާއި ދެ ހަފުތާ ފަހުން އެނބުރި ވަޑައިގަންނަވާނެ ކަމަށެވެ.
