ދުނިޔޭގެ އެންމެ މަޝްހޫރު އަސްކަރިއްޔާތަކާ އެއްހަމައެއްގައި ފައިތިލަ ސާބިތުކުރުމަކީ ސިފައިންގެ އަމާޒު: ކާނަލް ހަސަން ޝާހިދު
26 ޖުލައި 2023 | ބުދަ 16:53ދުނިޔޭގެ ހުރިހާ ބައްރުތަކުން ތަމްރީނުގެ ފުރުސަތުތައް ރާއްޖޭގެ ސިފައިންނަށް ފަހިވެފައިވޭ
ޑައިރެކްޓްރޭޓް އޮފް އޮޕަރޭޝަންސް އެންޑް ޓްރެއިނިންގ ޕްރިންސިޕަލް، ކާނަލް ހަސަން ޝާހިދު
ދުނިޔޭގެ އެންމެ މަޝްހޫރު އަސްކަރިއްޔާތަކާ އެއް ހަމައެއްގައި ފައިތިލަ ސާބިތުކުރުމަކީ ސިފައިންގެ އަމާޒުކަމަށް، ޑައިރެކްޓްރޭޓް އޮފް އޮޕަރޭޝަންސް އެންޑް ޓްރެއިނިންގ ޕްރިންސިޕަލް، ކާނަލް ހަސަން ޝާހިދު ވިދާޅުވެއްޖެއެވެ.
މިނިވަން ދުވަހާ ގުޅިގެން ރާއްޖެޓީވީން ގެނެސްދިން ޚާއްސަ ކަވަރޭޖްގައި ޝާހިދު ވިދާޅުވީ، މިނިވަންކަން ދިފާއުކުރުމަށްޓަކައި ގާބިލު ސިފައިން އުފެއްދުމަކީ މިހާރު ލީޑަރޝިޕްގެ ސްޓްރެޖެޓިކް ކަމެއްގެ ގޮތުގައި ކަނޑައަޅާފައިވާ މުހިންމު ކަމެއް ކަމަށެވެ.
ދުނިޔޭގެ ހުރިހާ ބައްރުތަކުން ތަމްރީނުގެ ފުރުސަތުތައް ރާއްޖޭގެ ސިފައިންނަށް ފަހިވެފައިވާކަމަށް ވެސް ވިދާޅުވިއެވެ.
ސިފައިންނަކީ ޒަމާނުއްސުރެ ތަމްރީނުގެ މާހައުލެއްގައި ހަރަކާތްތެރިވާ ބައެއްކަން ފާހަގަކުރައްވައި ޝާހިދު ވިދާޅުވީ، ހަވާލުކުރެވޭ ކޮންމެ މަސްއޫލިއްޔަތެއް ސިފައިންގެ ގައިގައި އަށަގެންނެވުމަށްޓަކައި، އަބަދުވެސް ސިފައިންގެ ތެރެއިން މަސައްކަތްކުރާ ކަމަށެވެ.
ސިފައިންގެ ގާބިލުކަން އިތުރު ކުރުމަށް ތަމްރީނުގެ ދާއިރާއިން ވަރަށް ގިނަ ކުރިއެރުންތަކެއް ހޯދާފައިވާކަމަށް ޝާހިދު ވިދާޅުވިއެވެ. އެގޮތުން ތަމްރީނުތަކުން ރަން ވަނަތަކެއް ސިފައިން ހާސިލުކުރައް ވާފައިވާކަމަށް ވިދާޅުވިއެވެ.
ޝާހިދު މިފަދައިން ވިދާޅުވެފައިވާއިރު ވިޒިޓް ބޯޑް، ސަރޗް އެންޑް ސީޒަރ (ވީބީއެސްއެސް) އިންޓަރނޭޝަނަލް ކޯހުގައި އެމްއެންޑީއެފުން ވަނީ ދާދިފަހުން ބައިވެރިވެފައެވެ.
މިއީ ބަންގްލަދޭޝް ކޯސްޓްގާޑާއި ޔުނައިޓެޑް ނޭޝަންސް އޮފީސް އޮން ޑްރަގް އެންޑް ކްރައިމް (ޔޫއެންއޯޑީސީ) ގުޅިގެން ބަންގްލަދޭޝްގައި ފެށި ކޯހެކެވެ. ޔޫއެންއޯޑީސީގެ "ގްލޯބަލް މެރިޓައިމް ކްރައިމް ޕްރޮގްރާމް"ގެ ދަށުން ބަންގްލަދޭޝް އަސްކަރިއްޔާއާ ގުޅިގެން ހިންގާ މި ކޯހުގައި އެމްއެންޑީއެފް ކޯސްްޓްގާޑްގެ ފަސް ސެއިލަރުން ބައިވެރިވެއެވެ. މީގެ ތެރޭގައި އެމްއެންޑީއެފް ކޯސްޓްގާޑްގެ ތިން އަންހެން ސިފައިން ހިމެނެއެވެ.
މީގެ އިތުރުން ބަންގްލަދޭޝް ކޯސްޓްގާޑްގެ ފަސް ސެއިލަރުންނާއި ސްރީލަންކާ ކޯސްޓްގާޑުގެ ހަ ސެއިލަރުން ވަނީ ބައިވެރިވެފައެވެ.
