ފަރީ އަސްކޮއި ހައްޖު އެންޑް އުމްރާ ގްރޫޕްގެ ހަވާލުގައި އުމްރާއަށް ދާ ބައިވެރިން ފުރައިފިއެވެ.
އެ ގްރޫޕްގެ ވެރިޔާ ފަރީދާ ހަސަން ރާއްޖެ އެމްވީއަށް މައުލޫމާތު ދިންގޮތުގައި، އެ ގްރޫޕްގެ އުމްރާވެރިންގެ ތެރޭގައި މި ފަހަރު ގިނައީ އަލަށް އުމްރާއަށް ދާ މީހުންނެވެ. އަދި މި ފަހަރު އުމްރާއަށް ދާ މީހުންގެ ތެރޭގައި އުމުރުން ދުވަސްވީ މީހުން ނިސްބަތުން މަދު ކަމަށްވެސް ވަނީ ބުނެފައެވެ.
ފަރީ އަސްކޮއި ހައްޖު އެންޑް އުމްރާ ގްރޫޕްގެ ހަވާލުގައި އުމްރާއަށް ދާ ބައިވެރިން ފުރީ ދެ ފްލައިޓެއްގައެވެ. ފުރަތަމަ ފްލައިޓް ފުރީ ބާރަ ޖެހިއިރުއެވެ. ދެވަނަ ފްލައިޓް ފުރީ މެންދުރު ފަހުގެ ވަގުތެއްގައެވެ. މި ފަހަރު ޖުމްލަ 104 މީހުން ފަރީ އަސްކޮއި ހައްޖު އެންޑް އުމްރާ ގްރޫޕްގެ ހަވާލުގައި އުމްރާއަށް ގޮސްފައިވެއެވެ.
އެ ގްރޫޕްގެ އޮފިޝަލަކު ވިދާޅުވީ މި އުމްރާ ދަތުރުގެ އެންމެހާ ކަންކަން ފަސޭހަ، އަދި ރައްކާތެރިގޮތަކަށް އިންތިޒާމްކުރުމަށް ވަރަށް ބޮޑު އިސްކަމެއް ދެއްވާފައި ވާކަަމަށެވެ. އަދި އުމްރާގެ ކަންކަން އޮމާންކޮށް ދާނެކަމަށް އުންމީދުކުރައްވާ ކަމަށްވެސް އޭނާ ވިދާޅުވިއެވެ.
