ރައީސުލްޖުމްހޫރިއްޔާ ފޯކައިދޫ ފުޓުބޯޅަ ދަނޑު ހުޅުއްވައިދެއްވައިފި
9 ޖުލައި 2023 | އާދީއްތަ 13:30ފޯކައިދޫ ފުޓުބޯޅަ ދަނޑުގެ މަސައްކަތް ރަސްމީކޮށް ފަށާފައިވަނީ 2020 ވަނަ އަހަރު
ފޯކައިދޫ ދަނޑު ހުޅުވުމުގެ ތެރެއިން
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހް، ފޯކައިދޫގެ ފުޓުބޯޅަ ދަނޑު ރަސްމީކޮށް ހުޅުއްވައިދެއްވައިފިއެވެ.
މިއަދު ހަވީރު ފޯކައިދޫގެ ފުޓުބޯޅަ ދަނޑު ހުޅުއްވައިދެއްވީ ރައީސް މިހާރު ށ އަތޮޅަށް ކުރައްވަމުންގެންދަވާ ދަތުރުފުޅުގެ ތެރެއިންނެވެ. ފުޓުބޯޅަ ދަނޑު ހުޅުއްވުމަށް ބޭއްވުނު ރަސްމިއްޔާތުގައި ނައިބު ރައީސް ފައިސަލް ނަސީމާއި ޔޫތު މިނިސްޓަރު އަހުމަދު މަޚްލޫފާއި، ފޮރިން މިނިސްޓަރު އަބްދުﷲ ޝާހިދާއި، ހޯމް މިނިސްޓަރު ޝައިޚް އިމްރާން އަބްދުﷲގެ އިތުރުން، ބައެއް މަޖިލިސް މެންބަރުން ބައިވެރިވެ ވަޑައިގެންފައިވެއެވެ.
މި ދަނޑުގެ އަމަލީ މަސައްކަތް ފަށާފައިވަނީ 2020 ވަނަ އަހަރުގެ ޖެނުއަރީ މަހު 10 ވަނަ ދުވަހުއެވެ. ދަނޑުގެ މަސައްކަތްތަކުގެ ތެރޭގައި ސަބްބޭސް، ޓާރފް އިންސްޓޮލޭޝަން، ރޮސްޓްރަމް ތަރައްގީކުރުމުގެ މަސައްކަތުގެ އިތުރުން ލައިޓިންގ ސިސްޓަމްގެ މަސައްކަތް ހިމެނެއެވެ.
ރައީސް މިހާރު ކުރައްވަމުން ގެންދަވާ ދަތުރުފުޅުގައި، ނިމިފައިހުރި މަޝްރޫއުތައް ހުޅުއްވުމުގެ އިތުރުން ރައްޔިތުންނާ ބައްދަލުކުރައްވައެވެ.
