މިނިސްޓަރުގެ ތައުރީފު އެސޯސިއޭޝަނާއި ތުލުސްދޫއަށް
9 ޖުލައި 2023 | އާދީއްތަ 02:49މުބާރާތާއެކު ތުލުސްދޫ ޕްރޮމޯޓްވެގެން ދާނެ
ޔޫތު މިނިސްޓަރު އަހުމަދު މަހުލޫފް
ކުލަގަދަ ރަސްމިއްޔާތަކާއެކު އޭޝިއަން ސާފިންގ ޗެމްޕިއަންޝިޕް ތުލުސްދޫގައި ފެށުމުން އެސޯސިއޭޝަނާއި ތުލުސްދޫއަށް ޔޫތު މިނިސްޓަރު އަހުމަދު މަހުލޫފްގެ ތައުރީފު ރައްދުކޮށްފިއެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު ފައްޓަވައިދެއްވި އޭޝިއާގެ ބޮޑު މުބާރާތާ ގުޅިގެން މިނިސްޓަރު ވިދާޅުވީ މިއީ އަބަދުވެސް ބައިނަލްއަޤްވާމީ މުބާރާތްތައް ރާއްޖޭގައި ބާއްވަމުން ދިޔުމަށް ކުރާ މަސައްކަތުގެ ތެރެއަށް އިތުރުވި ބޮޅެއް ކަމަށެވެ. ސަރުކާރުގެ އަމާޒަކީ ރާއްޖޭގެ އެތުލީޓުންނަށް ރާއްޖޭގައި ބައިނަލްއަޤްވާމީ މުބާރާތްތަކުގައި ވާދަކުރުމުގެ ފުރުޞަތު ހޯދައިދެއްވުން ކަމަށް ވިދާޅުވިއެވެ.
ރާއްޖޭގައި މުބާރާތް ބޭއްވުމުގެ އިތުރުން މިއީ މާލެއިން ބޭރުގައި ބައިނަލްއަޤްވާމީ މުބާރާތްތައް ބޭއްވުމަށް ދެއްވާ އިސްކަމުގެ ތެރެއިން ވެސް އެޅުނު މުހިއްމު ފިޔަވަޅެއްކަން މިނިސްޓަރު ފާހަގަކުރެއްވިއެވެ. މީގެކުރިން ބޮޑީބިލްޑިންގ މުބާރާތް މާފުށީގައި އަދި ޗެސް މުބާރާތް އުކުޅަހުގައި ވަނީ ބާއްވާފައެވެ.
އޭޝިއަން ސާފިންގ ޗެމްޕިއަންޝިޕް ތުލުސްދޫގައި ކުރިއަށްގެންދަން އޭޝިއަން ފެޑެރޭޝަނާއި, ރާއްޖޭގެ ފެޑެރޭޝަން އަދި ތުލުސްދޫ ކޮމިއުނިޓީގެ ފަރާތުން ލިބޭ އެއްބާރުލުން މިނިސްޓަރު ވަރަށްބޮޑަށް ފާހަގަކުރެއްވިއެވެ. ޚާއްޞަކޮށް ތުލުސްދޫ ކޮމިއުނިޓީގެ ފަރާތުން ވަރަށްބޮޑު އެއްބާރުލުމެއް ލިބެމުންދާކަން ފާހަގަކުރެއްވިއެވެ. ނަތީޖާއެއްގެ ގޮތުން މުބާރާތާއެކު ތުލުސްދޫ ވަރަށް ބޮޑަށް ޕްރޮމޯޓް ވެގެންދާނެކަން ވެސް ފާހަގަކުރެއްވިއެވެ.
