އޭޝިއަން ޗެމްޕިއަންޝިޕުން ރާއްޖޭގެ ސާފަރުން ތިބި ލެވެލް ދެނެގަނެވޭނެ -އެސޯސިއޭޝަން
9 ޖުލައި 2023 | އާދީއްތަ 02:15މުބާރާތް ކުރިއަށްދާނީ ޖުލައި 8-17 އަށް
ރާއްޖޭގެ ސާފިންގ ޓީމް
ހޮނިހިރު ދުވަހު ރާއްޖޭގައި ރަސްމީކޮށް ފެށި އޭޝިއަން ސާފިންގ ޗެމްޕިއަންޝިޕަކީ ރާއްޖޭގެ ސާފަރުން ތިބި ލެވެލް ދެނެގަނެވޭނެ މުބާރާތެއްކަމަށް އެސޯސިއޭޝަންގެ ރައީސް މުޙައްމަދު ސޮބާހު ވިދާޅުވެއްޖެއެވެ.
ކާމިޔާބީ ހޯދޭނެކަމުގެ އުއްމީދާއެކު ސޮބާހު ވިދާޅުވީ މެދުކެނޑުމަކަށްފަހު އޭޝިޔާގެ މުބާރާތް ބާއްވާއިރު, ރާއްޖޭގައި މުބާރާތް ބޭއްވުމަކީ ރާއްޖޭގެ އެތުލީޓުންނަށް ލިބޭ ރަނުގެ ފުރުޞަތެއް ކަމަށެވެ. އޭނާ ވިދާޅުވީ ފުރަތަމަ އެނގެން ބޭނުންވަނީ އޭޝިޔާގައި ރާއްޖޭގެ އެތުލީޓުން ތިބި ލެވެލް ކަމަށެވެ.
ސީނިއަރ ކެޓަގަރީގެ އިތުރުން ޖޫނިއަރ ކެޓަގަރީވެސް ހިމެނޭ މުބާރާތުގައި ރާއްޖެއާއެކު 18 ގައުމުން ވާދަކުރެއެވެ. އެއީ އަފްޣާނިސްތާން, ޗައިނާ, އިންޑިޔާ, އިންޑޮނޭޝިޔާ, އިރާން, ޖަޕާން, ލެބަނާން, މެލޭޝިޔާ, މޮންގޯލިޔާ, ފަލަސްތީން, ސައޫދީ އަރަބިއްޔާ, ސިންގަޕޯ, ސައުތު ކޮރެއާ, ސްރީލަންކާ, ތައިލެންޑް, ޗައިނީޒް ޓައިޕޭ އަދި ދިވެހިރާއްޖެއެވެ.
ރާއްޖެއިން މުބާރާތަށް ތައްޔާރުވީ ތަޖުރިބާ ބޮޑު ކޯޗު ކްލައުޑް މާޓިންގެ އިރުޝާދުގެ ދަށުންނެވެ. މުބާރާތް ލޯންޗްކުރި ރަސްމިއްޔާތުގައި އޭނާ ބުނީ ފިރިހެން ޓީމް ވަރުގަދަ ކަމަށާއި, ތައްޔާރުވަނީ މެޑަލް ހޯދަން ކަމަށެވެ.
