އުރީދޫއިން ތ. ވިލުފުއްޓަށް ބްރޯޑްބޭންޑް އިންޓަނެޓްގެ ޙިދުމަތް ފޯރުކޮށްދީފި

އުރީދޫގެ ފަރާތުން ތ. ވިލުފުއްޓަށް ބްރޯޑްބޭންޑް އިންޓަނެޓްގެ ޙިދުމަތް ފޯރުކޮށްދީފިއެވެ.

އުރީދޫއިން ނެރުނު ނޫސް ބަޔާނުގައިވާ ގޮތުން މި ޙިދުމަތް ތައާރަފުކޮށްފައިވަނީ ބުރާސްފަތި ދުވަހު ތ. ވިލިފުށީގައި ބޭއްވި ޙާއްސަ ރަސްމިއްޔާތެއްގައެވެ.

ވިލުފުއްޓަށް އުރީދޫގެ ފަރާތުން ތައާރަފުކޮށްފައިވަނީ ފައިބާ ބްރޯޑްބޭންޑްގެ ތަފާތު ޕެކޭޖްތަކެކެވެ. ޕެކޭޖްތަކުގައި އެންމެ މަތީ އިންޓަނެޓް ސްޕީޑްއެއްގެ ގޮތުގައި 30 އެމްބީޕީއެސް ލިބިގެންދާނެއެވެ.

މި ރަސްމިއްޔާތުގައި ވާހަކަ ދައްކަވަމުން އުރީދޫގެ ސީއީއޯ ނަޖީބް ޙާން ވިދާޅުވީ އުރީދޫގެ ފަރާތުން ވިލުފުއްޓަށް އިންޓަނެޓްގެ ޙިދުމަތް ތައާރަފުކޮށްދިނުމުން އެކަމާ އެކުންފުނިން ފަޙްރުވެރިވާ ކަމަށެވެ. އަދި ކުރިއަށް އޮތްތަނުގައި އިންޓަނެޓްގެ ޙިދުމަތް ރާއްޖޭގެ އެކި ހިސާބުތަކަށް ފޯރުކޮށްދެވިގެންދާނެ ކަމަށް ވިދާޅުވިއެވެ.

ދިވެހިރާއްޖޭގެ މުޖުތަމަޢުއަށް ފައިދާކުރުވަނިވި ޚިދުމަތްތައް ފޯރުކޮށްދީގެން، ކުންފުނި އާ އުސްމިންތަކަށް ގެންދިއުމަށްޓަކައި، ކުރިއަށް އޮތްތަނުގައި ވެސް އުރީދޫ މޯލްޑިވްސް އިން މަސައްކަތް ކުރަމުންދާނެ ކަމަށް ވެސް އެ ކުންފުނިން ބުންޏެވެ