މޫސުމަށް އަންނަ ބަދަލުތަކާއެކު ކޮންސްޓްރަކްޝަން އިންޑަސްޓްރީ ބަދަލުވާންޖެހޭ: ޓޫރިޒަމް މިނިސްޓަރު
8 ޖުލައި 2023 | ހޮނިހިރު 13:31އެއްކަމަކީ ކްލައިމެޓާއެކު އުޅެން ދަސްކުރުން
ކޮންސްޓްރަކްޝަންގެ މަސައްކަތް ކުރަނީ
މޫސުމަށް އަންނަ ބަދަލުތަކާއެކު ކޮންސްޓްރަކްޝަން އިންޑަސްޓްރީ ބަދަލުވާންޖެހޭ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެއެވެ.
ރާއްޖޭގައި ފުރަތަމަ ފަހަރަށް ފްލޯޓިންގ ވިލާ އެޅުމަށް ހޮޓެލްސް އެންޑް ރިސޯޓްސް އިންވެސްޓްމެންޓްސް (އެޗްއާރްއައިއެމް)އާއި ފިންލެންޑްގެ މެޔަރ ފްލޯޓިންގ ސޮލިއުޝަނުން އެއްބަސްވުމެއްގައި ސޮއިކުރުމަށް ބޭއްވި ރަސްމިއްޔާތުގައި މިނިސްޓަރު ވިދާޅުވީ މިގޮތުން ކުރެވިދާނެ އެއްކަމަކީ ކްލައިމެޓާއެކު އުޅެން ދަސްކުރުން ކަމަށާ އެކަމަށް މަސައްކަތްތައް ބައްޓަންކޮށްލުން ކަމަށެވެ. އަނެއްކަމަކީ އިންސާނުން އުޅެން ބޭނުންވާ ގޮތަށް ތަންތަން ހެދުން ކަމަށެވެ.
ފްލޯޓިންގ ވިލާތައް ރާއްޖޭގައި އެޅުމަކީ އިންގިލާބެއްގެ ފެށުން ކަމަށާއި ސަރުކާރުން އެކަމަށް އެއްބާރުލުން ދޭނެކަމަށް މިނިސްޓަރު ވިދާޅުވިއެވެ. ޓޫރިޒަމް މާސްޓަރ ޕްލޭންގައި ވެސް އިނޮވޭޝަނަށް ޖާގަދިނުމަށް ވަރަށް ބޮޑަށް ބާރު އަޅާކަމަށް ވިދާޅުވިއެވެ.
ސަރުކާރުން ދެމި އޮންނާނީ އިވެންސްޓަރުންނަށް އިވެންޓްސްކުރަން މަގުފަހިކޮށްދިނުމުގައި ކަމަށް ވެސް މިނިސްޓަރު ވިދާޅުވިއެވެ.
ރާއްޖޭގައި ފުރަތަމަ ފަހަރަށް ހިންގާ ފްލޯޓިންގ ވިލާ ޕްރޮޖެކްޓްގެ ދަށުން އެޅުމަށް ހަމަޖެހިފައިވަނީ ކ. ވިލިވަރުގައި 13 ލަގްޒަރީ ފްލޯޓިންގ ވިލާއެވެ. މި ޕްރޮޖެކްޓްގެ ދަށުން އެންމެ ފުރަތަމަ އަޅާ 13 ވިލާ ވިއްކަން ހަމަޖެހިފައިވަނީ 20 މިލިއަން ޑޮލަރު (300 މިލިއަން ރުފިޔާ) އަށްވުރެ މަތީ އަގުތަކެއްގައެވެ.
ލަގްޒަރީ ވިލާތައް އެޅުމަށް އެއްބަސްވުމުގައި ސޮއިކޮށްފައިވާއިރު މި މިކަމަށް ބޭނުންވާ ފައިނޭންސް ޔޫރަޕިއަން އިންވެސްޓްމެންޓް ބޭންކުން ހަމަޖެހިފައިވާ ކަމަށް އެޗްއާރްއައިއެމުން ބުނެއެވެ.
