ޝަރީއަތްތަކުގެ ފެންވަރު ރަނގަޅު ކުރުމަށް ޖުޑިޝަރީއަށް އެންމެފަހުގެ ޓެކްނޮލޮޖީ ގެންނަން ޖެހޭ: ފަނޑިޔާރު މަހާޒު
7 ޖުލައި 2023 | ހުކުރު 11:04އެންމެފަހުގެ ޓެކްނޮލޮޖީ ބޭނުންކުރާނަމަ، ދިގު ސޮފުހާތަކުގެ ހުކުމްތައް ކިޔާއިރު، ކުށެއް ޖެހުނު ނަމަވެސް އެނގޭނެ
ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު
ޝަރީއަތްތަކުގެ ފެންވަރު ރަނގަޅު ކުރުމަށް ޖުޑިޝަރީއަށް އެންމެފަހުގެ ޓެކްނޮލޮޖީ ގެންނަން ޖެހޭ ކަމަށް ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު ވިދާޅުވެއްޖެއެވެ.
ފަނޑިޔާރު މަހާޒު މިހެން ވިދާޅުވީ ދުރުން ޝަރީއަތްތައް ކުރިއަށް ގެންދިއުމުގައި ކާމިޔާބު ތިން އަހަރު ފާހަގަކުރުމުގެ ގޮތުން ދެއްވި ޚާއްސަ އިންޓަވިޔުގައެވެ.
ފަނޑިޔާރު މަހާޒު ވިދާޅުވީ އޮންލައިން ޝަރީއަތްތަކާއެކު، ޝަރީއަތްތަކުގެ ފެންބަރު ދަމަހައްޓާ ދުނިޔޭގެ އެހެންގައުމުތަކާއި އެއްހަމަ ކުރުމަށް ރާއްޖޭގެ ކޯޓުތަކަށް އެންމެފަހުގެ ޓެކްނޮލޮޖީ ގެންނަން ޖެހޭ ކަމަށެވެ.
ފަނޑިޔާރު މަހާޒު ވިދާޅުވީ އެންމެފަހުގެ ޓެކްނޮލޮޖީ ބޭނުންކުރާނަމަ، ދިގު ސޮފުހާތަކުގެ ހުކުމްތައް ކިޔާއިރު، ކުށެއް ޖެހުނު ނަމަވެސް އެކަން އެނގޭނެ ކަމަށެވެ.
ފަނޑިޔާރު މަހާޒު ވިދާޅުވީ ޖުޑިޝަރީއަށް އެންމެފަހުގެ ޓެކްނޮލޮޖީ ބޭނުންވާ ކަމަށާއި، ފަހުގެ ޑޭޓާ ބޭސްތައް ބޭނުންވާ ކަމަށެވެ. އެޓެކްނޮލޮޖީ އާއެކު މަސައްކަތްތަކަށް ވެސް ހެޔޮ އަސަރު ފެންނާނެ ކަމަށް ފަނޑިޔާރު މަހާޒު ވިދާޅުވިއެވެ. އަދި ވިދާޅުވީ ޖުޑިޝަރީގެ މަސައްކަތުގެ ފެންވަރު ރަނގަޅު ކުރުމަށް މަސައްކަތް ކުރާއިރު، މުސްތަގުބަލުގައި ޝަރީއަތުގެ ފެންވަރު ރަނގަޅު ކުރުމަށް ފަހުގެ ޓެކްނޮލޮޖީގެ ބާވަތްތައް ބޭނުންކުރަން ޖެހޭ ކަމަށެވެ.
