ރެލިގޭޓްވި ލީޑްސް ޔުނައިޓެޑްގެ ކޯޗަކަށް، ނޯވިޗްގެ ކުރީގެ ކޯޗު
4 ޖުލައި 2023 | އަންގާރަ 17:40ލީޑްސް ވާދަކުރާނީ ޗެމްޕިއަންޝިޕްގައި
ލީޑްގެ އާ ކޯޗު ޑެނިއެލް ފާކް: ފޮޓޯ-ލީޑްސް
ލީޑްސް ޔުނައިޓެޑްގެ ކޯޗު ކަމަށް, ނޯވިޗް ސިޓީގެ ކުރީގެ ކޯޗު ޑެނިއެލް ފާކް ހަމަޖައްސައިފިއެވެ.
ޑެނިއެލް ފާކްއަށް ލީޑްސް ޔުނައިޓެޑުން ވަނީ ހަތަރު އަހަރުގެ އެއްބަސްވުމެއް ދީފައެވެ. ފާކް ވަނީ ހަތަރު އަހަރު ނޯވިޗްގައި މަސައްކަތްކޮށް, ދެފަހަރެއްގެ މަތިން އެޓީމް ޕްރިމިއަރ ލީގަށް ޕްރޮމޯޓް ކޮށްދީފައެވެ. 46 އަހަރުގެ ޖަރުމަނު ކޯޗު މިދިޔަ ސީޒަންގައި މަސައްކަތްކުރީ ބުންޑަސް ލީގުގައެވެ. ޖަރުމަނު ލީގުގެ މޮންޗެންގްލެޑްބެކްއާ އެކު ކުރި މަސައްކަތުގައި ލީގު ނިންމާލީ ދިހަވަނާގައެވެ. އެނަތީޖާއާ މެދު ހިތްހަމަ ނުޖެހި ކްލަބުން ވަނީ ކޯޗު ވަކިކޮށްފައެވެ.
ކުރިއަށް އޮތް ސީޒަންގައި ލީޑްސް ވާދަކުރަން ޖެހޭނީ އިނގިރޭސި ދެވަނަ ޑިވިޝަން ކަމަށްވާ ޗެމްޕިއަންޝިޕްގައެވެ. އެންމެ ފަހުން ސީޒަންގައި އެޓީމް ވަނީ ރެލިގޭޓް ވެފައެވެ. ސީޒަންގެ ތެރޭގައި ކްލަބުން ވަނީ ދެ ކޯޗުން ވަކިކޮށްފައެވެ. ކޯޗުކަމާ ހަވާލުވުމަށްފަހު ފާކް ބުނީ އޭނާގެ ޒިންމާ އެނގޭކަމަށާއި, ކުރި އިތުބާރުގެ އަގު އަދާކުރާނެ ކަމަށެވެ.
