ރަށްތަކުގައި މީހުން ދިރިއުޅޭގޮތް ތަޖުރިބާކުރަން ފަތުރުވެރިން މިހާރު ބޭނުންވޭ: ޓޫރިޒަމް މިނިސްޓަރު
4 ޖުލައި 2023 | އަންގާރަ 10:12ކުރިއަށް އޮތްތަނުގައި ރާއްޖޭގައި އެކްސްރީމް ސްޕޯޓްސް އިވެންޓްތައް ޕްރޮމޯޓް ކުރާނެ
ސަވާދީއްތަ ދަތުރުގައި ރާއްޖެ އައި ފަތުރުވެރިން
ރަށްތަކުގައި މީހުން އުޅޭގޮތް ތަޖުރިބާކުރަން ފަތުރުވެރިން މިހާރު ބޭނުންވާކަމަށް، ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެއެވެ.
ރާއްޖެޓީވީއަށް މިނިސްޓަރު ވިދާޅުވީ ޓޫރިޒަމްގެ މުއްސަނދިކަން އޮތީ ރާއްޖޭގެ ރީތިކަމުގެ ތެރޭގައި ކަމަށާއި، އައު ފަތުރުވެރިން މިހާރު ރަށްތަކުގައި މީހުން ދިރިއުޅޭގޮތް ތަޖުރިބާކުރަން ބޭނުންވާކަމަށެވެ.
އިވެންޓް ޓޫރިޒަމަކީ ރާއްޖޭގައި ވަކިން ޚާއްސަކޮށް ޕްރޮމޯޓްކުރާ ކަމެއް ކަމަށާއި ސަވާދީއްތަ ދަތުރަކީ ޓޫރިޒަމްގެ އެއް އިވެންޓްކަމަށް މިނިސްޓަރު ވިދާޅުވިއެވެ. އެކްސްރީމް ސްޕޯޓްސް އިވެންޓްތައްވެސް ކުރިއަށް އޮތްތަނުގައި ރާއްޖޭގައި ޕްރޮމޯޓް ކުރައްވާނެ ކަމަށް ވިދާޅުވިއެވެ.
މިނިސްޓަރު މިފަދައިން ވިދާޅުވެފައިވާއިރު، ސަވާދީއްތަ ދަތުރަކީ ފަތުރުވެރިންގެ މަގުބޫލުކަން ލިބިފައިވާ އިވެންޓެކެވެ. ސަވާދީއްތަ ދަތުރުގެ ތިންވަނަ އެޑިޝަން 2024 ވަނަ އަހަރުގެ ފެބްރުއަރީ މަހުގެ ތެރޭގައި ކުރިއަށްދާނެ ކަމަށް، އިންޓަގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްއައިޓީޑީސީ)ގެ މެނޭޖިންގ ޑިރެކްޓަރު މުހައްމަދު ރާއިދު ވިދާޅުވިއެވެ.
ސަވާދީއްތަ ދަތުރުގެ ސަބަބުން ފަތުރުވެރިންނަށް ވަރަށް ބޮޑަށް ރާއްޖެ ޕްރޮމޯޓްވެގެންދެއެވެ.
މާރޗް މަހަކީ މޫސުމީ ގޮތުންވެސް، އަދި މެލޭޝިޔާއާއި ތައިލެންޑާއި ސިންގަޕޫރުން އަންނަ އުޅަނދުފަހަރަށް ވެސް އެންމެ ރަނގަޅު މަހަށް ނުވާކަމަށް ރާއިދު ވިދާޅުވިއެވެ.
ސަވާދީއްތަ ދަތުރުގެ ސަބަބުން ފަތުރުވެރިންނަށް ވަރަށް ބޮޑަށް ރާއްޖެ ޕްރޮމޯޓް ވެގެންދެއެވެ. ސަވާދީއްތަ ދަތުރުގެ ދެވަނަ އެޑިޝަން މާރޗް 1ން މާރޗް 18ގެ ނިޔަލަށް ކުރިއަށް ގެންދިޔައެވެ. މި ދަތުރުގައި 10 ރަށަކަށް ދަތުރުކޮށްފައިވެއެވެ.
