ދިދަ ތިރިކުރަން އުޅުމުގެ ތެރޭގައި ނޭޝަނަލް މިއުޒިއަމްގެ ސެކިއުރިޓީ ގާޑަކު ވެއްޓި އޭނާޔަށް އަނިޔާވެއްޖެއެވެ.

ފުލުހުން ބުނީ އޭނާ ވެއްޓިފައިވަނީ އިއްޔެ އިރުއޮއްސި 18:00 އެހާއިރު ކަމަށެވެ.

މި ހާދިސާގައި އަނިޔާވެފައިވަނީ ބިދޭސީ ފިރިހެނަކަށް ކަމަށް ފުލުހުން ބުނެފައިވެއެެވެ. އަދި އެމީހާއަށް އައިޖީއެމްއެޗުގައި ފަރުވާދެމުންދާކަމަށް ފުލުހުން ވަނީ ބުނެފައެވެ.

މި ހާދިސާއާ ގުޅިގެން އިތުރަށް ބަލަންޖެހޭ ކަންކަން ފުލުހުން ދަނީ ބަލަމުންނެވެ.