އަތޮޅުތެރޭގެ ފުލުހުންގެ ޚިދުމަތް ބާރުވެރިކޮށް ހަރުދަނާ ކުރުމުގެ ހެޔޮ ނަތީޖާ ފެންނަމުންދޭ: ސީޕީ
3 ޖުލައި 2023 | ހޯމަ 10:03ލީޑް އިންވެސްޓިގޭޓަރަކީ ސާޖަންޓް އަހުމަދު ސައީދު
ކޮމިޝަނަރ އޮފް ޕޮލިސް މުޙައްމަދު ހަމީދު
އަތޮޅުތެރޭގެ ފުލުހުންގެ ޚިދުމަތް ބާރުވެރިކޮށް ހަރުދަނާކުރެވުމުގެ ހެޔޮ ނަތީޖާ ފެންނަމުންދާކަމަށް ކޮމިޝަނަރ އޮފް ޕޮލިސް މުޙައްމަދު ހަމީދު ވިދާޅުވެއްޖެއެވެ.
ސީޕީ އެހެން ވިދާޅުވީ ޑައިމޯފިން ޓްރެފިކް ކުރުމުގެ ދައުވާ އާއި ކެނެބިސް ޕެޑުލްކުރުމުގެ ދައުވާ އުފުލާފައިވާ އަލީ ވަރުދީ (ސ.ފޭދޫ) ގެ މައްޗަށް ކުށް ސާބިތުވާކަމަށް ފޭދޫ މެޖިސްޓްރޭޓް ކޯޓުން ކުރި ޙުކުމަކާއި ގުޅިގެންނެވެ.
އޭނާގެ މައްޗަށް އުފުލާފައިވާ ޑައިމޯފިން ޓްރެފިކް ކުރުމުގެ ކުށުގެ ދައުވާ ސާބިތުވެފައިވާތީ އޭނާ 25 އަހަރަށް ޖަލަށް ލުމާ އެކު، 100،000ރ. އިން ޖޫރިމަނާ ކުރުމަށް ކޯޓުން ވަނީ ޙުކުމްކޮށްފައެވެ.
އޭގެ އިތުރުން، ކެނެބިސް ޕެޑެލް ކުރުމުގެ ކުށުގެ ދައުވާ ސާބިތުވެފައިވާތީ އޭނާގެ މައްޗަށް ވަނީ 5 އަހަރުގެ ޖަލު ހުކުމެއް އިއްވައި، 15،000 ރުފިޔާއިން ޖޫރިމަނާކޮށްފައެވެ.
ސީޕީ ވިދާޅުވީ، މިއީ ސައުތު ޕޮލިސް ރީޖަންގެ ޑްރަގް އެންފޯސްމަންޓް އޮޕްސް އަދި އެ ރީޖަންގެ ސީރިއަސް ކްރައިމް ސެލްގެ ނަތީޖާ ނެރުވަނިވި މަސައްކަތް ކަމަށެވެ.
ސީޕީ ވަނީ ލީޑް އިންވެސްޓިގޭޓަރ ސާޖަންޓް އަހުމަދު ސައީދު އަދި މުޅި ސައުތު ޕޮލިސް ޓީމަށް މަރުޙަބާ ވިދާޅުވެފައެވެ. ސީޕީ ވިދާޅުވީ ލޯކަލް ޕޮލިސިންގ ބާރުވެރިކޮށް ހަރުދަނާކުރެވުމުގެ ހެޔޮ ނަތީޖާ މިހާރު ފެންނަމުންދާ ކަމަށެވެ.
