ތަމްރީން ޕްރޮގްރާމްތައް ކުރިއަށް ގެންދަނީ ރާއްޖޭގެ ހުރިހާ އިމާމުންނަށް ކަމަށާއި، ކުރިއަށް އޮތްތަނުގައި އިމާމުންގެ މުސާރައަށް ހެޔޮ ބަދަލެއް އަންނާނެ ކަމަށް އިސްލާމިކް މިނިސްޓްރީން ބުނެފިއެވެ.
ރާއްޖެޓީވީގައި ވާހަކަދައްކަވަމުން އިސްލާމިކް މިނިސްޓްރީގެ ޕަރމަނަންޓް ސެކްރެޓަރީ އަހްމަދު އަދީލް ވިދާޅުވީ އަމާޒަކީ ރާއްޖޭގައި ތިބި ހުރިހާ އިމާމުން ތަމްރީންކޮށް، ހުނަރުތައް ތަރައްގީ ކުރަން މަސައްކަތް ކުރުން ކަމަށެވެ. އަދީލް ވިދާޅުވީ އިމާމުންގެ ތެރޭގައި ހުއްދަ ލިބިފައިވާ ބައެއް ބޭފުޅުން އެހެން ވަޒީފާތަކުގައި މަސައްކަތްކުރާކަން ފާހަގަކުރައްވައި އަދީލް ވިދާޅުވީ އެފަދަ ބޭފުޅުންނަށް ވެސް ތަމްރީންދޭނެ ކަމަށެވެ.
އިސްލާމިކް ޔުނިވާސިޓީ (އައިޔޫއެމް)އާއެކު ކުރިއަށް ގެންދާ އިމާމުންގެ ޑިގްރީ ޕްރޮގްރާމަށް އިޝާރާތް ކުރައްވައި އަދީލް ވިދާޅުވީ ދެ ބެޗް ނިމިފައިވާ ކަމަށާއި، މި ޕްރޮގްރާމްގެ ދަށުން 70 އަށް ވުރެ ގިނަ އިމާމުން ދަސްވެނި ވެފައިވާ ކަމަށެވެ. އަދީލް ވިދާޅުވީ ރާއްޖޭގެ ހުރިހާ އިމާމުން ވެސް ޑިގްރީ ފެންވަރަށް ތަމްރީން ކުރަން ބޭނުންވާ ކަމަށާއި، އެއަމާޒަށް ވާސިލްވުމަށް ޚާއްސަ އިސްކަމެއްދޭ ކަމަށެވެ. އަދި މިހާރު ގާތްގަނޑަކަށް އިމާމުންގެ ތެރެއިން 20 އިންސައްތަ މީހުން ޑިގްރީ ފެންވަރަށް ތަމްރީން ކުރެވިފައިވާ ކަމަށް އުންމީދުކުރާ ކަމަށް އޭނާ ވިދާޅުވިއެވެ.
މިތަމްރީން ޕްރޮގްރާމް މި އަމާޒުކުރެވެނީ އިމާމުންނަށް ނަމާދުކުރައްވާއިރުގަ އެބޭފުންނަށް ދީނީ ގޮތުން އެގެންޖެހޭ މައުލޫމާތުތަކާއި ޤުރުއާން ކިޔެވުމުގެ ހުނަރާއި އަދި ބަންގި ގޮވުންފަދަ ހުނަރުތައް ތަރައްގީ ކުރުން. ހަމަ ފުންނާބު އުސް ބޭފުޅުން ޓްރެއިނިންގ ގައި ހިމަނައިގެން ލެކްޗަރާއިން ގެ ގޮތުގައި ހިމަނައިގެން މިކުރިއަށް ގެންދަނީ. އަމާޒަކީ ގާތްގަނޑަކަށް ދެ އަހަރެއްގެ ތެރޭގައި މުޅި ރާއްޖޭގައި ތިބި ހުރިހާ އިމާމުންނަށް ޓްރެއިނިން ޕްރޮގްރާމް ބޭއްވިގެން ދިއުން. މިހާރު ކުރިއަށް ދާ ޓްރެއިނިންގެ ނަތީޖާއަށް ބަލައި ކުރިއަށް ހުރި އަހަރުތަކުގައި އިތުރަށް ތަރައްގީ ކުރެވޭނެ ޕްރޮގްރާމްތައްއިސްލާމިކް މިނިސްޓްރީގެ ޕަރމަނަންޓް ސެކްރެޓަރީ އަހްމަދު އަދީލް
އިމާމުންގެ މުސާރައިގެ އޮނިގަނޑަށް އިޝާރަތް ކުރައްވައި އަދީލް ވިދާޅުވީ ރައީސް އިބްރާހިމް މުހައްމަދު ޞާލިހު އިމާމުންގެ މުސާރައަށް ހެޔޮ ބަދަލެއް ގެންނަވާނެ ކަމުގެ އުފާވެރި ޚަބަރު ދެއްވާފައިވާ ކަމަށެވެ. ޕޭ-ކޮމިޝަން މެދުވެރިކޮށް އޮނިގަނޑު އެކުލަވާލުމުގެ މަސައްކަތްތައް ކުރިއަށްދާ ކަމަށާއި، ވަރަށް އަވަހަށް މުސާރަ ބޮޑުވެގެންދާނެ ކަމަށް އުންމީދުކުރާ ކަމަށް އަދީލް ވިދާޅުވިއެވެ.
މީގެ އިތުރުން އަދީލް ވިދާޅުވީ އެހެން ދާއިރާތަކާއި ހިލާފަށް އިމާމުންނަކީ އޮފް ދުވަހެއް، ނުވަތަ ހަފްތާ ބަންދު ދުވަހެއް ލިބޭނެ ބައެއް ނޫން ކަމަށާއި، މިކަންކަމަށް ރިޔާއަތްކޮށް މުސާރައަށް ހެޔޮ ބަދަލެއް އަންނާނެ ކަމަށެވެ.
26 މެއި 2023 ގައި ބޭއްވި އައިޔޫއެމްގެ ދަސްވެނިވުމުގެ ހަފުލާ 2023ގެ ދެވަނަ ދަންފަޅި ޝަރަފުވެރިކޮށްދެއްވައި ރައީސް ސާލިހު ވިދާޅުވެފައިވަނީ ރާއްޖޭގެ މިސްކިތްތަކުގެ އިމާމުންނަށް ޑިގްރީ ފެންވަރަށް ކިޔަވައިދިނުމަކީ މިސަރުކާރުގެ ވައުދެއްކަމަށެވެ. އެ ވައުދު ފުއްދުމުގެ މަސައްކަތް، މިނިސްޓްރީ އޮފް އިސްލާމިކް އެފެއާޒާ ގުޅިގެން، އިސްލާމިކް ޔުނިވަރސިޓީން ފެށީ 2020 ވަނަ އަހަރުކަމަށެވެ. އަދި އިމާމުންގެ މަސައްކަތާއި ގުޅޭގޮތަށް މުސާރަ އާއި ޗުއްޓީއަށް ހެޔޮ ބަދަލުތަކެއް ލަސްތަކެއްނުވެ ގެންނަވާނެކަމަށް ރައީސް ވިދާޅުވިއެވެ.
